Almatyda qaza tapqan polıseılerdiń týystary Kúlikbaevqa ólim jazasyn surady, - dep habarlaıdy Qamshy.kz Tengrinews.kz – ke silteme jasap.

Terakt jasady degen kúdikti Rýslan Kúlikbaev aldyn ala tyńdaý ótip jatqan sotta ózge sybaılastarynan bólek otyr. Sot tergeý ızolátorynyń ǵımaratynda ashyq tártipte ótip jatyr. 

Sottalýshy sabyrly kórinedi. Ol tipti ózin túsirip jatqan operatorlarǵa qarap kúlgen. Aıta keteıik, jýrnalıserge sýretke jáne vıdeoǵa túsirýge ruqsat berildi. Sottalýshy retinde Kúlikbaevpen qatar onyń bes sybaılasy otyr. Qazirgi ýaqytta aldyn ala sot tyńdaýy ótip jatyr. 

Proseske qaza bolǵandardyń týystary kelgen. Olar Kúlikbaevtyń tártibine narazylyq bildirip otyr. Olardyń pikirinshe, sottalýshy suraqqa naqty jaýap bermeı, sýdıaǵa jaýap bergen kezinde turmaı qoıǵan. Kúlikbaevti bir memlekettik advokat qorǵap otyr. Sottaǵylardyń aıtýynsha, advokattardyń eshqaısysy óz qalaýymen onyń múddesin qorǵaýǵa kelispegen. 

Al qaza tapqandardyń týystary atqyshty ólim jazasyna kesýdi talap etip otyr. Qaza bolǵan polıseıdiń Meırambek Rahmatýllaevtiń áıeli sottalýshy Kúlikbaevtiń áıeliniń betine túkirdi. 

Negizgi sot otyrysy 24 qazanǵa belgilendi. Otyrys kún saıyn ótedi.

Al osyǵan deıin Rýslan Kúlikbaevtiń buryndary kıkboksıńpen aınalysqany jáne jetistikteri úshin osy sport túrinen san márte marapat pen quttyqtaýlarǵa ıe bolǵany belgili bolǵan edi. Esimin jarıalamaýdy ótingen adam, kıkboksıńpen shuǵyldanǵan Kúlekbaevtiń "Sport sheberligine kandıdat" degen ataǵy da bar ekenin aıtty. Al búgin, 17 qazanda Almatydaǵy terakt boıynsha aldyn ala sot otyrysy bastalǵany habarlandy. Sotty tergeý ızolátorynyń ǵımaratynda ótkizý týraly sheshimdi sottaǵylar Rýslan Kúlekbaevtiń óte ashýly ári qoǵamǵa qaýip tóndiretindigimen túsindirdi. Sondaı-aq, quqyq qorǵaý organdary sottalýshy qashyp kete me dep qorqyp otyr eken. "Ol kamerasynda kisenmen otyrady. Ol óte qaýipti, sondyqtan sot prosesin tergeý ızolátorynyń ǵımaratynda ótkizýdi durys dep taptyq, sebebi qalalyq sottyń ǵımaratyna tasymaldanatyn bolsa, ol qarsylyq kórsetýi múmkin jáne qashyp ketýge áreket jasaýy múmkin. Kúlekbaevtyń fızıkalyq daıyndyǵy bar, ol kisendeýli tursa da, jaýap alynyp jatqan sátte tergeýshige stoldy tóńkerip jibere jazdady", - deıdi sottyń ókilderi.

Eske salaıyq, 18 shildede Almatyda terorıstik akt bolǵan edi. Belgisiz er adam Almaly aýdandyq İİB men UQK departamentine qarýly shabýyl jasady. Oqıǵa saldarynan bes adam, onyń ishinde úsh polısıa qyzmetkeri qaza tapty. Qalada terrorlyq qaterdiń qyzyl deńgeıi jarıalandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlikbaev bolyp shyqty.

Osyǵan deıin İİD tergeý jumystary barysynda18 shildede polıseılerdi óltirdi degen kúdikke ilingen Rýslan Kúlekbaevtyń jaldamaly páterdi anyqtaǵan bolatyn. Polısıadaǵylar páterde adam ómirine qaýipti zattardyń bar-joǵyn tekserip shyqty. Alaıda, polısıa qyzmetkerleri páterdi tintý kezinde qaýipti zattardy tappady. Al keshe Rýslan Kúlikbaev eki aıǵa qamaýǵa alyndy.