"Almaty Arenada" sharshy alańǵa kóterilgen ekinshi jup Aıdar Sháribaev (Qazaqstan) - Hýan Okýra (Ispanıa) báskesinde jerlesimiz jeńdi. Jerlesimiz birinshi raýndta osaldaý túsip, kóńilimizdi qobaljytqan, ekinshi raýndta qarsylasynan basym tústi. Al, úshinshi raýndta aıqyn basymdylyq kórsetip, qarsylasyn qýalap júrip soqty. Alaıda, sońǵy sekýndta qatty soqyp jiberip aldy. Tórtinshi raýndta jerlesimiz de, qarsylasy da qatty shabýyldar jasaı almady, sharshaǵany baıqaldy. Besinshi raýndta bolsa, Aıdardyń qolǵabynyń baýy sheshilip ketip, shamaly úzilis boldy. Degenmen Aıdar ıspandyqqa birneshe soqqysyn sátti darytty. Altynshy raýnd Hýan Okýranyń shabýyldaýymen bastaldy. Aıdar da qarap qalmaı, birneshe ret qulashtaı sermedi. Solaı bolsa da, jerlesimizge qaraǵanda ıspandyq tyń kórindi. Tóreshiler jeńisti Aıdarǵa berdi.

Aıdar Sháribaev bir aıdan astam ýaqyttyń ishinde ekinshi jekpe-jegin ótkizdi. 24 qyrkúıek kúni otandasymyz grýzıalyq Zaza Amıradzeni birinshi raýndta-aq tehnıkalyq nokaýtpen utqan bolatyn. Bul joly ıspan boksshysy Hýan Okýramen judyryqtasty. Ispandyq osyǵan deıin kásipqoı boksta 18 jekpe-jek ótkizgen. 11 kezdesýinde jeńiske jetip, 1 jekpe-jegin teń aıaqtaǵan. Qalǵan kezdesýlerinde jeńilgen.