Astanada baspasóz máslıhatyn ótkizgen Qazaqstannyń Qytaıdaǵy Tótenshe jáne ókiletti elshisi Shahrat Nuryshev qytaıda ómir súrip jatqan qandastarymyzdyń elge oralýyna birden bir qolbaılaý bolatyn vıza máselesi jaıynda málimdedi, - dep habarlaıdy BAQ.kz.
Qazirgi kezde Qytaı elinde elimizdiń Elshiligimen birge eki birdeı iri qalasy Shanhaı men Gonkongta bas konsýldyq jumys isteıdi. Al qandastarymyzdyń eń kóp shoǵyrlanǵan SHUAR-dyń ortalyǵy Úrimji qalasynda pasporttyq-vızalyq qyzmet ortalyǵy bar.
«Qytaıdan ózge memleketke shyǵýǵa qujattary tolyq 800 myńnan astam qandasymyz bar. Soǵan qaramastan pasporttyq-vızalyq qyzmetke kúnine 400-500 adam kelip vıza rásimdeıdi. Qazaq qandastarymyzǵa Qazaqstanǵa kelý úshin vıza tegin beriledi. Sonymen qatar qandastarymyzǵa buǵan deıin 1 jylǵa ǵana berilip kelse, endi 3 jyl ýaqytpen berýge oń sheshimin tapty. Odan bólek budan buryn qandastarymyz pasport alýdan qıyndyqtar kóretin bolsa, endi ol máselele de retteldi», - deıdi Shaxrat Nuryshev.
Elshiniń aıtýyna qaraǵanda bul is-sharalardan bólek ótken jyly Qytaı Halyq Respýblıkasynyń azamattaryna 118 321 vıza berildi. Sonyń ishinde 83 358 vızany, ıaǵnı barlyq ruqsat qaǵazdarynyń 70 paıyzyn sol jerde turatyn qazaqtar aldy. Qalǵany - jumys, týrısik jáne bilim alý úshin beriletin vızalar.
«Al aǵymdaǵy jyldyń toǵyz aıy ishinde 86 203 vıza rásimdeldi. Onyń ishinde 58 474 vıza nemese 68 paıyzy etnıkalyq qazaqtarǵa berildi. 15 myńnan astamy - iskerlik vızalar, 6 myń jumys vızasy, 5 myń týrısik, 299 oqýǵa, 322 qyzmettik, 23 ınvestorlyq jáne 56 tranzıttik vızany basyp berdik», - dep atap kórsetti elshi.
