5G tehnologıasynyń synaq jumystary kelesi jyldan bastap qolǵa alynatyn bolady. 5G tehnologıasy týrasynda jol kartasy belgilenip, Eýropa odaǵy, AQSH, Shyǵys elderi bas bolyp, Ar-Ge zertteý jumystaryn júrgizbek dep habarlaıdy «Qamshy» portaly. Belgili bolǵandaı 5G mobil-di habarlasý qyzmeti sektorynda halyqaralyq platformalardy kelistirip, patent damytý jáne standarttardyń belgilenýi prosesinde kómek beriletin bolady.
5G tehnologıasy: besinshi býyn mobıldi telekomýnıkasıa qyzmeti, jańa býyn symsyz derek tehnologıasy bolyp tabylady. Aldyńǵy býyn tehnologıamen(4G tehnologıasy) salystyrǵanda júz ese joǵary baılanys jyldamdyǵymen qamtamasyz ete alatyn, sekýndyna 10 gb-ǵa deıin aqparat aýysa alatyn bolady. Halyqaralyq telekomýnıkasıa odaǵy men Eýropaǵa odaǵy jaǵynan 2020 jylǵa deıin qajetti daıyndyq jumystary aıaqtalady dep kútýde.
5G daıyndyq jumystary álem boıynsha 2017 jyldan bastalatyn bolady. 2017 jyldyń sáýir aıynda 5G standarttary belgilenedi. Odan soń ınfrastrýktýra óndirýshileri osy standarttarǵa saı prototıpter damytatyn bolady.
Damytylǵan tehnologıamen birge qýattylyq problemalarynyń da 5G tehnologıasymen sheshiletini aıtylyp jatyr. Bul kúnde bir bazalyq stansıada baılanǵan júzdegen ǵana quraldyń aqparat alý qýaty bolsa, 5G tehnologıasymen bir sharshy shaqyrym alań ishinde bir mıllıon quraldyń bir mezette esh qıyndyqsyz aqparat alyp-berý múmkindigi bolady.
Ótken aptalardyń birinde Ońtústik Koreıalyq tehnologıa alyby Samsung kompanıasy 5G jyldamdyq synaǵyn jasapty. Atalǵan testte 7.5 Gbps(Mıllıard bıd sekýndyna) kórsetkishke qol jetkizgen.
