Búgin Almaty oblysy, Alakól aýdanynyń ortalyǵy Úsharal qalasynda jastar aleıasy ashyldy.

Táýelsizdiktiń 25 jyldyǵyna oraı paıdalanýǵa berilgen demalys ornynda turǵyndar úshin qolaıly jaǵdaıdyń barlyǵy jasalǵan. Balalarǵa arnalǵan oıyn jáne fýtbol alańymen qatar,  velosıped jolyna da aıryqsha kóńil bólingen. Jańadan ashylǵan demalys aımaǵy jastardyń salaýatty ómir saltyn qalyptastyrý úshin oń septigin tıgizbek deıdi, jergilikti bılik ókili.

Aıta ketý kerek, búgingi tańda Alakól aýdanynda 15 myńnan astam jastar bar. Bıyldyń ózinde aýdanǵa 18 maman «Dıplommen aýylǵa» baǵdarlamasy aıasynda keldi. Olarǵa 2 mln 672 myń teńge kóleminde bir rettik kóterme járdemaqy berildi. Jáne 8 mamanǵa 25 mln teńge kóleminde turǵyn úı alýǵa nesıe berilgen.

Samal Qabysheva, Qazaqparat