Horvatıa astanasy Zagrebte joǵalyp ketken bir áıeldiń máıiti kóptegen jyldardan keıin óz úıinde televızor aldynda otyrǵanynda tabylypty. Onyń esimi Hıdvıga Golık(Hedviga Golik), 1924 jyly ómirge kelgen. Kórshisi ony sońǵy ret 1966 jyly kórgen. Sodan soń 42 jastaǵy áıeldi kóship ketti dep oılapty. Polısıa áıeldiń qaraýsyz úıine sodan 42 jyldan keıin ǵana kirip, ǵalamat kóriniske kýá bolǵan. Tor basyp ketken úıde tússiz teledıdary qosýly qalǵan áıel, kresloda otyrǵan kúıi qańqaǵa aınalyp ketken. Tipti stol ústinde shaıy de bolǵan. Bul týraly 2008 jyly Ulybrıtanıanyń dailyrecord.co.uk saıty habarlaǵan.

Bul oqıǵadan jarty ǵasyr buryn da, adamdardyń jek qarym-qatynas máselesine qanshalyqty nemquraıly qaraǵanyn baıqaýǵa bolady. Qazir tússiz teledıdar dáýiri emes, san túrli gadjetter ómirimizge endep kirip, denemizdiń bir múshesi sekildi ózimizden aıyrylmas halge jettik. Jolda da, kóshede de, qoǵamdyq kólikterde de, áleýmettik oryndarda da, dastarhanda da qolymyzdan aqyldy telefondar, dobaldaı planshetter túspeıtin boldy. Aınalamyzdaǵy adamdarǵa kóbinese mán bermeımiz. Kimniń jek ómirinde ne bolyp jatyr? Qandaı qýanyshy boldy, qandaı qaıǵysy boldy zer salyp jatpaımyz. Kórshimiz ash jatyr ma? Ony oılaýdy qoıǵanymyz qashan? Moıyn buryp, aınalamyzǵa ara tura kóz salyp turmasaq, bizdi de jyldar ótkende úıimizden qańqa kúıinde taýyp almasyna kim kepil?...