"Komsomolskaıa pravda" basylymynyń sholýshysy Evgenıı Chernyh Tramp nemese Klıntonnyń jeńgenine baılanyssyz AQSH-qa qaýip tónedi degen pikirde. Ol bul pikirin eýropalyq basylym betterinde jarıalanǵan tujyrymdarmen bekitedi.

Azamattyq soǵysqa aınalyp ketpese boldy...

Germanıalyq «Tagesspiegel» basylymy "AQSH-ta azamattyq soǵys júrip jatyr" degen taqyryppen maqala jarıalapty. "Respýblıkalyq partıa ókili jeńilse, jemqorlyq júıege degen áskerı qarsylyq ýaqyty týady" deıdi maqala avtory.

Amerıka turǵyndarynyń arasynda bul saılaýdan keıin "qyrǵı qabaq soǵys" zorlyq-zombylyqqa aýysýy múmkin dep qaýiptenetinderi kóp. Bul qazir kórinbegenmen, bolashaqta júzege asýy ábden múmkin eken.

Al nemistiń "Focus"  basylymy "Saılaý aldy kampanıa azamattyq soǵysqa aınalyp ketti, amerıkalyqtar jaýlasqan eki lagerge bólindi" dep jazǵan.

Shveısarskaıa "Neue Zuercher Zeitung" basylymy da amerıkan qoǵamyn azamattyq soǵysqa tán kóńil-kúı bılep turǵany týraly jazypty.

Amerıkanyń psıhologıalyq asosıasıanyń zertteýi nátıjesinde AQSH turǵyndarynyń jartysynan kóbi bıylǵy saılaýdyń kesirinen kúızeliske ushyraǵany anyqtalǵan. Amerıka turǵyndary úreı, yza, túsinen shoshý sıaqty psıhologıalyq kúızelisterge burynǵydan góri jıi ushyraǵan.

Shveısarıa basylymy amerıkalyqtardyń biri basshylyqqa Klınton kelse, qarýymyzdy ótkizýge týra keledi, óz qaýipsizdigimiz úshin alańdaıtyn bolamyz dese, endi biri Tramp saılaý nátıjesin moıyndamasa memleket ishinde tártipsizdikter oryn  alady dep qaýiptenetinin jazypty.

Al Maık Adams degen amerıkalyq ınternet jýrnalısi "AQSH-taǵy saılaýdyń nátıjesine qatysty aıtsaq, 95 paıyz jaǵdaıda Amerıka kósheleri qanǵa batýy múmkin" degen eken.

Eger Tramp jeńse...

Adamstyń oıynsha, onyń qazirgi jaǵdaıdaǵy múmkindigi 75 paıyz.

Onda demokrattar saılaýshylar daýsynan urlaıdy (10 paıyz bolýy múmkin).

Tramptyń qoldaýshylary saılaý nátıjesindegi jasandylyqty moıyndamaıdy. Sodan qarýly qaqtyǵystar oryn alýy múmkin. Azamattar kóshege shyǵyp, úkimettik ǵımarattardy qorshap, jemqorlyqqa qarsy tóńkeris uıymdastyrýǵa talpynady.

Tramp jeńse, Obama onyń jeńisin durys emes dep baǵalaıdy. Demokrattardyń ózi demokratıany unatpaıdy. Obama men Klınton Donald Trampqa ózdiginen bılikti bere salmaıtyny anyq.

Klınton jeńgen jaǵdaıda...

Tramp saılaý nátıjesiniń zańdylyǵyn tekserýge ótinish beredi. Quqyqtyq prosedýralar áskerı tóńkeriske nemese azamattardyń kóterilisine ulasýy múmkin. Narazy amerıkalyqtar Vashıngtonda kóterilis jasaıdy. Onda jemqorlyq júıeni qulatý úshin qantógis bolatyny sózsiz. Amerıkalyqtardyń jartysyna jýyǵy Hılları Klıntondy Prezıdent retinde qabyldaı almaıdy. Óıtkeni ol óte jemqor jáne qaýipti dep esepteıdi sarapshy.

"Tramp revolúsıa!"

Al Reseı Ǵylym akademıasy fılosofıa ıntsıtýtynyń ǵylymı qyzmetkeri Vladımır Shalak  "Muhıttyń ar jaǵyndaǵy jaǵdaı rasynda kúrdeli" deıdi.

31 tamyzda Obama kenetten amerıkalyqtardy jahandyq apattarǵa daıyn bolýǵa shaqyrdy. Mysaly, daýyl, jer silkinisi, terorızm oqıǵalary sıaqty. Ol tipti arnaıy qujatqa qol qoıdy. Obama turǵyndarǵa ómirin saqtandyrýdy, azyq-túlik qoryn jınap alýdy eskertti. Al 13 qazanda Obama halqyn kosmostan shabýylǵa daıyn bolýǵa shaqyryp, buıryq berdi. Kosmostan keler qaýipti syltaý etip, Obama jerdegi kataklızmge daıyndalyp jatqan sıaqty, áleýmettik kataklızmge.

27 qazanda "New York Times" basylymy Klınton jeńgen jańdaıda Tramptyń jaqtastary tóńkeris jasaıtyny týraly maqala jaryq kórdi. Olar Klıntondy Prezıdent retinde moıyndamaı, saılaýdyń zańsyz nátıjesine narazylyq retinde kóshelerdi basyp almaq.

Reseılik sarapshy "Tvıtter" jelisindegi pikirlerdi zertteı kele sońǵy ýaqytta atalmysh áleýmettik jelide Klınton nemese Tramptyń atymen baılanysty "revolúsıa" degen sózdi qoldanǵan 4 myńnan astam amerıkalyq pikir jazýshyny tapqan. Iaǵnı áleýmettik jelidegi pikirler — halyqtyń sózi. Al revolúsıa sózin eki kandıdattyń atymen baılanysty qoldanǵan 4 myńnan astam  adamnyń bolýy amerıkalyqtardyń bul saılaýdyń nátıjesine qatty alańdaıtynyn bildirse kerek.

Mysaly, "Tvıtterde" mynandaı pikirler jarıalanypty:

"Tóńkeris bolady: Tramptyń Ogaıodaǵy jaqtastary ony qoldaıdy".

"Bul tóńkeris! Tramptyń jaqtastary Nú-Iork kóshelerine shyqty".

"Hılları  amerıkalyqtardy jaqsy kórmeıdi. Ótinemiz, onyń jeńýine múmkińdik berip, úıde otyrmańyzdar!"

"Ony jaqsy kórseń de, jek kórseń de: Tramp — bul ısteblıshmentke qarsy kóterilis".

 "Men ne bolyp jatqanyn kórip turmyn, saılaýda jappaı alaıaqtyqqa oryn berilýde. Búkil el kóleminde. Tramp saılaý nátıjesin daýlaýy kerek. Tramp tóńkeris!"

"Bul qozǵalys emes, bul revolúsıa! Biz úkimettik jemqorlyqqa, ótirikke, oryndalmaǵan ýádelerge qarsy birigemiz. Trampqa daýys berińder!"

"Hılları Reseımen soǵysta sizdiń qyzyńyz teń jaǵdaıda qaza tabýy múmkin ekendigine kepildik berip otyr!".

Sarapshy qalaı bolǵanda da adamdar saılaýdyń ádil jeńispen aıaqtalýyn kútetinin aıtady. Óıtkeni saılaýda kim jeńse halyqtyń taǵdyry soǵan baılanysty ekeni belgili.

Ázirlegen Dana Qamshybek