Mıhaıl Saakashvılı Ýkraınanyń Odessa oblysynyń gýbernatory qyzmetinen otstavkaǵa ketti, dep habarlaıdy «Qamshy» portaly Azattyqqa silteme jasap.

Saakashvılı bul qyzmetti ótken jyldyń mamyrynan beri atqarǵan. Saıasatker 7 qarashada ótkizgen baspasóz konferensıasynda otstavkaǵa aımaqtaǵy korrýpsıamen kúresý múmkin bolmaǵandyqtan ketkenin málimdedi. Ol Ýkraına bıligi ókilderin korrýpsıaǵa qatysy bar dep aıyptap, prezıdent Petr Poroshenkony aımaqtaǵy sybaılas jemqorlyqqa urynǵan klandardy qoldap otyr dep aıyptady óz málimdemesinde.

Saakashvılı otstavkasyn "kúrestiń jańa kezeńi" dep atady. Ol Ýkraınadaǵy korrýpsıamen kúresti "jas ári shynshyl kúshpen" jalǵastyratynyn aıtty. "Biz Odessany mindetti túrde kóteremiz. Biraq bul úshin Kıevti korrýpsıonerlerden tazalaý kerek" dedi ol.

48 jastaǵy Saakashvılı 2004 jyldyń basynan 2007 jyldyń sońyna deıin Grýzıa prezıdenti bolǵan. Petr Poroshenko 2015 jyly kóktemde Saakashvılıge Odessa oblysyna gýbernator bolý úshin Ýkraına azamattyǵyn bergen.