Jas býyn kadrlar arasynan Jaqsylyq Omar Almaty oblysy ákimi orynbasary qyzmetine taǵaıyndaldy, dep habarlaıdy «Qamshy» portaly Almaty oblysy ákimi baspasóz qyzmetiniń jetekshisi Aıdar Karbozulynyń málimdemesine súıenip.
«Búgin oblys ákimi Amandyq Batalov óńir aktıvine Qazaqstan Respýblıkasy Prezıdenti Ákimshiliginiń kelisimimen oblys ákiminiń orynbasary bolyp taǵaıyndalǵan Omar Jaqsylyq Muqashulyn tanystyrdy», delingen habarlamada.
Jaqsylyq Muqashuly Omar 1980 jyly 28 qyrkúıekte Almaty oblysy Alakól aýdany Úsharal aýylynda dúnıege kelgen. 2001 jyly Abaı atyndaǵy Almaty memlekettik ýnıversıtetin támamdaǵan.
2001-2004 jyldary Qazaqstan Respýblıkasynyń Mádenıet, aqparat jáne qoǵamdyq kelisim mınıstrliginde. 2004-2007 jyldary Qazaqstan Respýblıkasy Mádenıet mınıstrliginde. 2007-2009 jyldary «Qazaqstan» respýblıkalyq teleradıokorporasıasy» AQ-ynda. 2009-2009 jyldary «Arna medıa» Ulttyq aqparattyq holdıńi» AQ-ynda. 2009-2010 jyldary Shyǵys Qazaqstan oblysy ákiminiń kómekshisi. 2010-2011 jyldary Shyǵys Qazaqstan oblysy ishki saıasat basqarmasy bastyǵynyń orynbasary, bastyǵy. 2011-2013 jyldary Shyǵys Qazaqstan oblysy mádenıet basqarmasynyń bastyǵy. 2013 jylǵy 27 mamyrda Shyǵys Qazaqstan oblysy ákiminiń orynbasary laýazymyna taǵaıyndaldy.
Sondaı-aq, atalǵan oblysta Buǵan deıin oblys ákiminiń orynbasary qyzmetin atqarǵan Baqtıar Ónerbaev búginnen bastap Almaty oblysyndaǵy monoqala - Tekelige ákim bolyp taǵaıyndalǵan.
