Prezıdent Nursultan Nazarbaev Ońtústik Koreıa Respýblıkasyna jasaǵan sapary aıasyndaǵy baspasóz brıfıńinde aǵynan jaryldy, dep habarlaıdy "Qamshy" portaly Aqordanyń baspasóz qyzmetine silteme jasap.

Óziniń qyzmeti týraly Elbasy: "Meniń jumysymda sharshaýǵa bolmaıdy. Bul - el aldyndaǵy, xalyq aldyndaǵy jaýapkershiligim. Al qıyndyǵyna keler bolsaq, bundaı saparlar kezinde ýaqyttyń aıyrmashylyǵy qatty sharshatyp jiberedi. Bir baıqaǵanym, bizge Shyǵysqa qaraı júrgen yńǵaıly eken. Al Batysqa barsań, qatty sharshap qalasyń, uıqyń qanbaıdy. Ol kúnderi men ary ketse, úsh-tórt saǵat uıyqtaımyn.  Erte jatsań da, kóz ilinbeıdi. Bir jaǵynan jaqsy shyǵar, óz ýaqytyńmen júresiń. Oǵan qosa, resmı kezdesýler kezinde sózińdi ótkize bilý kerek, senimdi sóıleýge mindettisiń. Árıne, ondaıda mıyń úzdiksiz istep turýy qajet.  Qazaqstan ondaı mártebege laıyqty. Sebebi jappaı ıadrolyq qarýsyzdandyrýǵa qosqan úlesi zor. Qazirgi beıbit saıasaty da álem elderiniń qurmetine laıyq dep bilemin", - deı kele, bir aı buryn tumaýratyp qalǵan kezdegi qazaqstandyqtardyń qoldaýyn eske alyp, barsha xalyqqa óz rızashylyǵyn jetkizdi. "Aıtpaqshy, meni tumaýratyp qaldy dep aqparat taratqanda ǵalamtor arqyly myńdaǵan qazaqstandyqtar  jyly sózderin jazyp, meniń tezdetip saýyǵyp shyǵýymdy tilegen edi. Osy múmkindikti paıdalanyp, barsha xalqyma alǵysymdy aıtamyn. Ol týraly ashyq aıtýǵa týra keldi. Sebebi jospar boıynsha Ázerbaıjan men Armenıaǵa sapar jasaýym kerek edi. Ony keıinge qaldyrýǵa májbúr boldym. Sondyqtan barshalaryńyzǵa raqmet aıtamyn. Prezıdent bolǵannan keıin adam bar kúsh-jigerin xalyq úshin, el úshin jumsaý kerek dep bilemin», - dep aǵynan jaryldy Memleket basshysy.