Túrkıada din oqýyn oqyp, 15 jyldaı sonda ómir súrip kelgen bir jigitpen tanystym. Byltyr Konıa degen qalasynda dindi tereńdep oqyp jatqan 30 dan asqan jigittermen tanysqan edim. Qazaqstannan ushyp barý tegin, jatyn oryndary tegin, oqý tegin, tamaq tegin! Komýnızm qysqasy! Al, ózderimen áńgimelesip, ata-baba, ata-jurt, týǵan el, Abaı, Mahambet jaıly sózderdi aıtyp kórip edim, jylt etken janar kóre almady. Sumdyq! Qazaq úshin, ata-anasy úshin joǵalǵan balalar!

Al, endi siz bir baı túrikke, ne arabqa baryp «Osyndaı da osyndaı qıyn jaǵdaıǵa túsip turmyn, 100 dollar bershi» dep surap kórińizshi. Qıyn jaǵdaıda bolmaq tuǵyr, ólip jatsań qol ushyn berer me eken?!

Al, endi túrikter osynsha qazaq jastarynyń basyna nege komýnızm ornatyp otyr? Nege álgi jastar, ata-analary osyny saralap oılamaıdy? Tegin irimshik qaqpanda bolady degendi bilmeıtin jer betinde pende joq shyǵar! Al, sol tegin irimshikke óńmeńdep turyp umtylǵandy qashan qoıamyz??

Al, endi óz musylman baýyrlarynan teris aınalyp, bir bosqyn qabyldamaı qoıǵan arabtar,  meshit salamyn deseń ǵana mıllıondaǵan dollardy nege tóge salady? Qanshama qaıyrshy, isherge asy, baspanasy joq musylman baýyrlaryna pysqyryp ta qaramaıtyn olar mıllındaǵan dollardy nege shashady?

Álgi jigittiń aıtýynsha, Túrkıa musylmandarynyń arasynda 100-den astam tarmaq bar eken. Birin-biri moıyndamaıdy. Kóbi syrttan ańqaý qazaqtardy aparyp, óz tobyn kóbeıtýge jantalasyp jatyr. Osy jaqqa kelgen álgi baýyrlar óz elin jek kóretin, qazaq degen bolmysynan aırylyp, múlde basqa adam bolyp oralatynan kórip te júrgen bolarsyzdar!

Tegin kelgen zattyń, bilimniń artynda úlken qaýip bar ekenin umytpańyzdar!

Ahmetbek Nursılanyń Feısbýktegi paraqshasynan alyndy