«Almaty» telarnasyndaǵy jýrnalıs Nartaı Aralbaıuly júrgizetin «Ótkir til» baǵdarlamasyna kelgen aıtysker aqyn Rınat Zaıytov qoǵamda bolyp jatqan din men saıasat, aıtys tóńireginde jýrnalıs qoıǵan suraqtarǵa jaýap berip, kókeıde júrgen keı máseleler tóńireginde ótkir oı bildirdi,- dep habarlaıdy Qamshy portaly. 

Bir kezderi aıtysqa shyqpaı ketken Rınat óziniń aıtysqa qatysatynyńn estigen sheneýnikterdiń aıtys ótetin ǵımarattardy ózi úshin bermeı qoıǵan sátteri bolǵanyn aıtty.

Rınattyń atyn jamylyp  Facebook paraqshasynda túrli daýly máselerge ot salatyn jalǵan aqparat taratyp júrgen, Rınat Bektasuly týraly da aqyn óz pikirin aıtyp ketti. Zaıytovtyń atyn jamylǵan Rınat Bektasuly atty jeli qoldanýshysy Qanat Islamnyń áıeli ásire dinshil, hıdjab kıedi degen qaýeset taratyp, biraz jurtty dúrliktirgen bolatyn. Tipti, ol ósekke ókpelegen  qytaı qazaqtary Rınat Zaıytovqa habarlasqan kórinedi.

Qazaqstanda negizgi bılik halyqtyń qolynda, ol ata-zańda kórsetilgen deıtin aqyn shendiniń bári bastyq emes, olar halyqtyń qyzmetkerleri deı otyryp, bylaı deıdi:  

Kárim Másimov premer-mınıstr bolyp turǵanda «otstavkaǵa» ketpeısiz be dep ashyq aıtqanmyn. QR azamaty retinde ony aıtýyma mıllıon negizim boldy. Sol sóz aıtylǵan aıtystyń ertesinde men óz aramyzda  kishigirim jınalysqa salyndym.  Sonda bir aq suraq qoıdym. Biz óz jerimizde, óz memleketimizde otyryp, ózimizdiń muń-muqtajymyzdy aıtý úshin bir qyzmettegi adamnan qorqamyz ba?! Bizdiń ata-zańymyzda Qazaqstannyń negizgi bıligi halyqta, qalǵanynyń bári atqarýshy bılik dep jazylǵan. Demek, premer-mınıstr, depýtat,  oblystyń ákimi barlyǵy halyqtyń qyzmetkerleri. Bastyǵymyz emes. Osynyń ara-jigin ajyratyp alý kerek.