Izraıl parlamentinde(Knesset) el aýmaǵynda daýys zoraıtqyshtarmen azan aıtylýyna tıym salatyn zań talqylandy. Buǵan baılanysty arab tekti depýtat Ábý Arar parlament minberine shyǵyp, jurt ony sóz sóıleıdi dep kútkende kenetten azan oqydy. Bul týraly «Qamshy» portaly habarlaıdy.
Buǵan deıin Knesset azandy daýys zoraıtqyshtarmen aıtýǵa bolmaıdy degen zańdy qabyldap májiliske jibergen. Alaıda dindár Yahudot HaTora(Birlesken Táýrat) partıasynyń qarsylyǵymen zań daýysqa salynbaı keıinge qalǵan.
Izraıl Knesseti bul máseleniń talqyǵa salynýyna «azan daýsy shý shyǵarady» degen syltaýdy sebep qylyp otyr.
Atalǵan talqylaýǵa óz qarsylyǵyn azan oqý arqyly bildirgen Ábý Arardy qalǵan depýtattar sógistiń astyna aldy.
Izraıldiń bundaı zań arqyly meshitterden azan oqytpaýǵa tyrysýy Palestına men basqa da musylman memleketterdiń qarsylyǵyna ushyrap otyr.
