EKİ ELDİŃ EKİ ZIALYSY
«–Ulttyq ıntellıgensıa ulttyń kóshbastar kósemi bolýǵa tıis!-dep edi fılosof Tóleýǵazy Ábjanov bir áńgime ústinde,– Kıevte oqyp júrgenimde bir nársege tań-tamasha qalǵan edim. Munda Marks pen Engelstiń, Lenınniń sýretterin kúnde tilgilep ketip jatady. Olar – Sovet ókimetin mensine qoımaǵan el edi. Sáýirdiń 12 juldyzy kúni Taras Shevchenkonyń týǵan kúnin ult bolyp atap ótedi. Kobzar eskertkishine el bolyp jınalyp, aqynnyń óleńderin oqıdy, án salady, bı bıleıdi. Bizde Abaıdyń týǵan kúnin kóp el áli bile bermeıdi!
Birde bir kempir eskertkishtiń aldynda taqyldap óleń oqyp tur edi. Bir-eki-úsh adam sahnadan túsirip áketti. «Ne boldy?» deımiz biz. «Sovet ókimetine qarsy óleń oqyp tur!» deıdi. «Qamalyp qalatyn boldy-aý, baıǵus?!» deımiz janymyz ashyp. «Joq, – deıdi ýkraındar– Bylaı shyǵa bere bosatyp qoıa beredi ǵoı…».
Al, biz she? Qandastarymyzǵa qashan ara tústik?! Seksen altynshy jyly-aý deımin, Saǵat Áshimbaevtyń úıinde qonaq edim. Sonda Saǵat «Búgin Kolbınge Oljastyń ústinen taǵy bir aryz ketti. Soǵan qol qoıǵan tanys bir jazýshyǵa «Oljekeńniń sizge jazyǵy joq edi ǵoı?» dep, edim, «Ol maǵan úı ápergen joq!- dedi» dep qapalanyp otyrdy.
Naǵyz ıntellıgent osylaı isteı me? Osy oqıǵa jany taza Saǵattyń ózegine órt, júregine dert bolyp tústi. Kóp uzamaı Saǵattan da aıyryldyq.
Qazaq ıntellıgensıasy etek-jeńin qashan jınar eken?..»
