Elordada ótip jatqan Óńirlik BAQ forýmyna qatysýshylar óńirlik jýrnalıser alánsyn qurý bastamasyn qoldady, dep habarlaıdy QazAqparat.
Forým barysynda "Almaty" telearnasynyń bas dırektory Álibek Áldeneı óńirlik jýrnalıser alánsyn qurýdy usynǵan bolatyn. Bul bastamany «Shymkent kelbeti» gazetiniń bas redaktory Aıgúl Qaparova da qoldady. «Men Ońtústik Qazaqstan oblysynyń Shymkent qalasynan keldim. Jýrnalıserdiń alánsyn nemese basqa qaýymdastyq qurý bastamasyn qoldaımyn. Óte qundy usynys. Óıtkeni, aýdandar men aýyldarda shyǵatyn buqaralyq aqparat quraldary ózderin dalada qalǵandaı sezinetindigi ras. Sondyqtan qazirgi tańda olardyń basyn biriktiretin uıym qajet dep olaımyn»,- dedi Qaparova.
Aıta keterligi, Aqparat jáne komýnıkasıalar mınıstri Dáýren Abaev ta mundaı bastamaǵa tolyq qoldaý kórsetti. «Iá, mundaı aláns kerek dep oılaımyn. Óńirlik jýrnalıser alánsyn qurý usynysyn tolyqtaı qoldaýǵa bolady»,- dedi mınıstr.
«Dáýren Áskerbekuly, ózińiz atap ótkendeı, Qazaqstannyń medıa-naryǵynyń 70 paıyzyn óńirlik BAQ quraıdy. Búgingi tańda Qazaqstannyń medıa-naryǵynda Ulttyq teleradıo habarlaryn taratýshylar qaýymdastyǵy syndy kóptegen qoǵamdyq BAQ uıymdary bar. Biraq olardyń baǵyttary óte tar, birde-bir óńirlik BAQ-ty qamtymaıdy. Iaǵnı, olardy qorǵamaıdy, múddelerin ilgeriletpeıdi. Osyǵan oraı mende mynadaı usynys bar. Siz óńirlik BAQ-tyń múddesin qorǵaıtyn jańa aláns qurý ıdeıasyna qalaı qaraısyz?», - dep surady «Almaty» telearnasynyń bas dırektory Álibek Áldeneı Aqparat jáne komýnıkasıalar mınıstrinen. Óz kezeginde mınıstr bul bastamaǵa tolyqtaı qoldaý bildirdi. «Iá, mundaı aláns kerek dep oılaımyn. Óńirlik jýrnalıser alánsyn qurý usynysyn tolyqtaı qoldaýǵa bolady. Buǵan qosa, shynymen de memlekettik tapsyrys aıasynda ázirlenetin kontenttermen almasatyn ýaqyt jetti. Biz bul kontentterdi óńirlerge berýge daıynbyz. Bul ásirese óńirlik telearnalar úshin barynsha mańyzdy bolar edi»,- dedi Abaev.
