Indonezıalyq Sýlavesı araly óziniń erekshe pishinimen ataqty (tórt birdeı túbekten turady). Sýlavesı - Indonezıanyń eń iri araldarynyń biri. Alaıda bul aralda aqylǵa qonbaıtyn oqıǵalar bolyp turady. Úsh jylda bir ret toradjı halqy óz týystaryn qabirden qazyp alady.

Bul «Ólikterdi tazartý rásimi» dep atalatyn festıvál aıasynda ótedi. Toradjı halqynyń ǵasyrlyq dástúri kez kelgen eýropalyqty tań qaldyrady.

Jalpy, bul halyq úshin kez kelgen jerleý rásimi – óte mańyzdy shara. Sonymen qatar, bul rásim joǵarǵy deńgeıde ótýi qajet. Tipti, keıbir jaǵdaılarda, kerekti aqshany jınap alý úshin jerleý rásimin bir jylǵa keıinge qaldyrady. Manene (festıváldiń jergilikti ataýy) festıvali kezinde qabirlerdi qazyp alyp, máıitterdi shyǵaryp, olardy jańa ári ádemi kıimge kıindiredi. Taǵy eskeretin jaıt, Sýlavesı aralynyń turǵyndary úshin qabirdiń ózin de aýystyrý óte mańyzdy, jańa qabirde máıit tez buzylmas úshin.

Toradjı halqynyń turǵyndary óz aýyldarynan eshqashan qonys aýdarmaıdy. Óıtkeni, marqumnyń rýhy týylǵan jerinde qalýy kerek dep esepteıdi. Eger toradjı adamy basqa elde qaıtys bolsa, onyń týystary eline qaıtarýǵa tyrysady. Olar taý jaqta ómir súredi, ótken ǵasyrdyń 70-shi jyldaryna deıin oqshaýlanyp keldi. Biz ony túsine almaspyz. Bul dástúr Indonezıada búgingi kúnge deıin saqtalyp keledi. Búgingi tańda, týystarymyzdyń máıitterin qabirlerinen qazyp alýdy, tipti elestetý de múmkin emes...

Qamshyger: Ishanhan Daıana