Kámelettik jasqa tolǵan balalardy jaldap, olarǵa 19 saǵat jumys jasatqyzǵan degen aıyppen Qytaıda kıim tigetin jasyryn fabrıkalardyń birinde qyzmet atqarǵan brıgadır ustaldy degen aqpart búgin bbc.com saıtynda paıda bolǵan bolatyn. qamshy.kz saıty bolǵan jaıt týraly habardy qazaqshaǵa aýdaryp, oqyrman nazaryna usynýdy jón sanady.

Qytaılyq BAQ-tyń málimetine súıensek, las, qarańǵy jerde ornalasqan fabrıkaǵa jumys jasaýǵa 13 jastaǵy balalar alynǵan.  Pear Video degen Qytaı saıty Chashý qalasyndaǵy fabrıka jelileri jaıynda alty mınýttyq beıneesep jarıalady. Vıdeony tasadaǵy jýrnalıs túsirgen.

Júrgizilgen zertteýge sensek, sheberhanalarda Qytaıdyń áleýeti tómen ońtústik eldi-mekenderiniń turǵyndary jumys jasaǵan.

Balalardyń jumys kúni kún saıyn tańǵy 07:30-da bastalǵan eken. Kúndizgi normany oryndamaı olar jumystan kete almaıtyn bolǵan. Keıde jumys kúnderi túngi úshte aıaqtalatyn. Balalar aıyna 28 kún talmaı eńbektenýge májbúr bolǵan.

Fabrıka ıeleriniń biri jumysshylardy 1000-3000 ıýanǵa (145-435 dollar) «satyp alǵanyn» aıtty. Taǵy bir bastyq balalar eshqandaı kelisimshartsyz jumys jasap jatqanyn habarlady.

Jýrnalısik zertteýdiń nátıjesinde balalardyń qujattary men uıaly telefondaryn basshylyq fabrıkadan qashyp ketpeýi maqsatynda tartyp alǵanyn anyqtady.

Sújet shyǵysymen qala bıligi kıim tigetin sheberhanalardyń jumysyna tekserý júrgize otyryp joǵaryda aıtylǵan jasyryn fabrıkany taýyp aldy.

Aýdarǵan: Jazıra Baıdaly