Resmı derekterge sáıkes, Qazaqstanda 15 myńǵa jýyq dinı jat aǵymdardy qoldaıtyn adamdar ómir súredi, dep habarlady respýblıka premer-mınıstrdiń orynbasary Imanǵalı Tasmaǵambetov.  «Deradıkalızasıa —  bul memleket pen úkimettik emes uıymdardyń birigip, barynsha kúsh salyp jumys jasaıtyn sala. Búginde tek 22 qoǵamdyq uıym din salasynda keńes berý jáne ońaltý kómegin kórsetýmen aınalysady. Bul jalpy ÚEU sanynyń 0,12 paıyzy ǵana. Resmı statısıkalyq málimeti boıynsha elde 15 myńǵa jýyq adam dinı jat aǵymdardy qoldaıdy», — degen  vıse-premer Astanada ótip jatqan VII Azamattyq forýmda. 

Vıse-premerdiń alǵa tartqan resmı statısıkalyq málimeti boıynsha elde 15 myń jýyq adam dinı jat aǵymdarda júrgenine qaramastan, tek Astana, Kókshetaý, Qaraǵandy, Tarazda ǵana ekiden kóp ortalyq jumys jasaıdy, Petropavlda birde-bir ońaltý ortalyǵy joq. «Ońtústik Qazaqstan oblysynda úsh myńǵa jýyq tyıym salynǵan dinı aǵymdardyń izbasarlary bar. Alaıda, atalǵan oblysta tek bir ǵana úkimettik emes «Nur-Mura» QB uıymy din salasynda keńes berý jáne ońaltý máselesimen aınalysady», - dep málimdedi Tasmaǵambetov.