Táýelsizdiktiń 25 jyldyǵynda Ońtústik Qazaqstan oblysynyń aýyl sharýashylyǵy salasyndaǵy jalpy ónim 11,5 esege ósip, 220 mıllıard teńgeden asqan. Sońǵy jyldary óńirde jylyjaılardyń kólemi 9 esege artyp, 1,1 myń gektardan asty. Tamshylatyp sýarý ádisi engizilgen alqaptardyń jalpy kólemi 50 400 gektarǵa jetti.

Respýblıka boıynsha Ońtústik Qazaqstanda maqtanyń 100 paıyzy, baqsha ónimderiniń 66 paıyzy, júzimniń 65 paıyzy, maqsarynyń 40 paıyzy, jemis-jıdektiń 31 paıyzy, kókónistiń 24 paıyzy óndiriledi. Bulardan bólek OQO-da respýblıkadaǵy jylyjaı óndirisiniń 87 paıyzy, tamshylatyp sýarý ádisi engizilgen alqaptyń 73 paıyzy ornalasqan.

1991 jylmen salystyrǵanda oblysta kókónis óndirý 5 esege, baqsha ónimderi 10 esege, kartop 5 esege artqan. 25 jylda óńirde astyqtyń túsimdiligi 17,8 sentnerden 22 sentnerge, ıaǵnı rekordtyq kórsetkishke jetken. 2016 jyly oblys dıqandary 470 myń tonna astyq jınady.

Aıta keteıik, óńirimizde júzege asyp jatqan «Ashyq ákimdik» jobasy boıynsha memlekettik organdar ózderiniń atqarǵan jumystary týraly málimetterdi ashyq aqparat kózderinde jarıalap otyrýy tıis. Memlekettik qyzmetke qatysty kez-kelgen aqparatty ıelený qoljetimdi bolýy kerek. Jergilikti atqarýshy organdarǵa óńirdiń damýyna qatysty aqparattardy ashyq derekkózderinde jarıalap otyrý mindettelgen.

http://rgmedia.kz/