Keshe  Ońtústik Qazaqstan oblysynyń ákimdiginde aımaq basshysy Janseıit Túımebaevtyń tóraǵalyǵymen selektorlyq jıyn ótti. Májiliske oblystyq basqarma basshylary men aýdan, qala ákimderi qatysty. Kún tártibinde, óńirimizdegi ındýstrıaldy aımaqtardyń máseleleri men 2016 jylǵa arnalǵan negizgi kapıtalǵa baǵyttalǵan ınvestısıa kórsetkishiniń oryndalý barysy jáne jylyjaı sharýashylyǵyn damytý máseleleri qaraldy. Bul týraly oblys ákimdiginń rsmı saıty "Ashyóq ákimdik" jobasy aıasynda habarlap otyr. 

Basqosýda oblys basshysy búgingi tańdaǵy eń negizgi talap -  ekonomıkanyń qarqynyn saqtaý, sol arqyly turǵyndardyń ál-aýqatyn álsiretpeý qajettigin aıtty. Iaǵnı, aımaqta jańa jumys oryndaryn ashyp, jumyssyzdyqtyń kóbeıýine jol bermeý kerek.

Sonymen birge, aýdan, qala ákimdikterimen bolǵan tikeleı baılanysta ákim ındýstrıalyq aımaq, jylyjaı jáne ınvestısıa salalaryna áli de kóp kóńil bólý kerektigin aıtty. Jalpy, oblystaǵy ındýstrıalyq aımaqtarda 83 jobany júzege asyrý kózdelse, búginge deıin sonyń 42-i ǵana oryndalǵan. Al, ekonomıkaǵa ınvestısıa tartý ótken jylǵa qaraǵanda 40 mıllıard teńgege kemigen. Jeri shuraıly, aýa raıy qolaıly óńirdegi jylyjaı óndirisinde ilgerileý az.

Óz kezeginde aımaq basshysy oblystyq aýyl sharýashylyǵy basqarmasynyń basshysy Serik Turbekovtyń esebin tyńdady. J.Túımebaev jylyjaı óndirisine, ásirese ónerkásiptik jylyjaılarǵa erekshe mańyz berý kerektigin eskertti. Sondaı-aq, ákim Ózbekstan men Qytaıdyń ónimine táýeldi bolmaı, Ońtústiktegi jylyjaıdyń otany sanalatyn - Saryaǵashtan bólek, barlyq aýdan, qalalarda jylyjaı óndirisine jete mán berý kerektigine toqtaldy.

Jıyn qorytyndysy boıynsha, Janseıit Túımebaev selektorlyq májiliste aıtylǵan ózekti máseleler sheńberinde aýdan, qala ákimderine naqty tapsyrmalar júktedi.

http://rgmedia.kz/