Táýelsizdiktiń jıyrma bes jyldyǵynda jetken jetistikterdi elge jetkizýdi maqsat tutqan aqparattyq-nasıhattyq toptar aýdan-qalalardyń halqymen kezdesýdi jalǵastyrýda. Arnaıy aqparattyq-nasıhattyq toptyń biri Maqtaral aýdanynda da arnaıy semınar ótkizdi. Basqosýǵa oblystyq ishki saıasat basqarmasynyń jaýapty qyzmetkerleri, aýdan, aýyl okrýgteriniń ákimderi qatysty. Bul týraly «Qazaqstan-SHymkent» telearnasy habarlady.

Arnaıy top 1991 jyldan beri elimizde, oblysymyzda  qol jetken jetistikter men oń kórsetkishter jaıyn baıandady. Memlekettik baǵdarlamalar aıasynda qolǵa alynǵan tirlikterin ekshep, atqarylǵan istiń qarqyndy ekenin aıtady.

Maqtaral – halqy tyǵyz ornalasqan aımaq. Mundaǵy mal baqqan halyq ta, jer emgen dıqan da jyldan jylǵa mol rızyqqa kenelip keledi. Aýyl sharýashylyǵy salasyn ártaraptandyrý baǵytynda da atqarylǵan sharýa kóp. Dıqandar tek maqta egip qana qoımaı, jurtty kókónis pen baqsha daqyldarymen qamtamasyz etýde kósh bastap tur.

Aıta keteıik, memleket tarapynan kórsetilgen qarjylaı kómektiń arqasynda  shaǵyn jáne orta kásipkerlik te kún sanap damyp keledi. Semınarǵa qatysqan túrli salanyń mamandary bul jetistiktiń barlyǵy Táýelsizdiktiń jemisi dep tarqasty.

Aıta keteıik, oblysymyzda qolǵa alynǵan «Ashyq ákimdik» jobasy boıynsha memlekettik organdary ózderiniń atqarǵan jumystary týraly kez-kelgen aqparattardyń ashyqtyǵyn qamtamasyz etýge mindetti. Ákimdikter búdjet, áleýmettik-ekonomıkalyq salaǵa qatysty málimetterdi halyqqa jetkizip, árbir azamat buǵan qatysty óziniń oı-pikirin bildirýge quqyly.

http://rgmedia.kz/