Táýelsizdik jyldarynda Ońtústik Qazaqstan oblysynyń aýyl sharýashylyǵy aýyz toltyryp aıtarlyq jetistikterge jetti. Óńirdegi mal basy ótken jıyrma bes jylda eselep kóbeıdi. Naqty sıfrlardy sóıleteıik.

1991 jyly oblystaǵy iri qaranyń sany 464 300 bas bolsa, 2016 jyly ol 778 400 basqa jetti. Atalǵan merzim ishinde jylqy 91 100-den 207 000-ǵa jetti. Al túıe 17 800 bastan 21 900-ge kóbeıdi.

Oblysta et-sút ónimderin óndirý kólemi de artty. 1991 jyly óńirde 107 800 tonna et óndirilse 2016 jyly ol 202 400 tonnaǵa jetti. Sút ónimderin óndirý kórsetkishi atalǵan merzimde 436 400 tonnadan 710 600 tonnaǵa deıin joǵarylady.

Bıyl oblysta aýyl sharýashylyǵyn qoldaýǵa jalpy 29 mlrd. teńge baǵyttalyp otyr. Egis kólemin ulǵaıtý, ıesiz jerlerdi ıgerý, zamanaýı tehnologıamen tamshylatyp sýǵarýádisin keńinen engizý, jylyjaı jáne qarqyndy baý qurylystary,mal basyn asyldandyrý boıynsha jumystar júrgizilýde. Birinshi jartyjyldyqtyń qorytyndysymen aýyl sharýashylyǵy jalpy ónim kólemi 123mlrd.teńgeni qurap, 2% artty. Egis kólemi 2015 jylmen salystyrǵanda 13 myń gektarǵa artyp, 788 myń gektardy qurady.

Sýarmaly 466 myń gektar jerdiń 93% ıgerilýde (434 myń gektar).

Aǵymdaǵy jyly dándik júgeriden 108,4myń tonna, kókónisten 811myń tonna, baqshadan 1 252myń tonna, kartoptan 195myń tonna, masaqty daqyldardan 470 myń tonna ónim jınaldy.

Aıta keteıik, Elbasynyń «100 naqty qadam» Ult josparynda berilgen tapsyrmaǵa sáıkes júzege asyp jatqan «Ashyq ákimdik» jobasy boıynsha jergilikti ákimdikter ózderiniń atqarǵan jumystaryn ashyq aqparat kózderinde jarıalap, kez-kelgen málimettiń ashyqtyǵyn qamtamasyz etýde.

http://rgmedia.kz/