Ońtústik Qazaqstanda aýyl sharýashylyǵy qyzmetkerleriniń kúnine arnalǵan «Altyn kúz-2015» dástúrli merekesi atalyp ótti. Merekelik sharaǵa qatysqan oblys ákimi Beıbit Atamqulov barsha aýyl sharýashylyq mamandary men dıhandardy quttyqtap, agrarlyq salanyń damýyna úles qosqan birqatar azamattardy marapattady.

Óńirde 772,5 myń gektarǵa aýyl sharýashylyǵy daqyldary egildi. Al 9 aıdyń qorytyndysy boıynsha jalpy ónim kólemi 247,3 mlrd. teńgeni qurady. Bul ótken jyldyń tıisti kezeńimen salystyrǵanda 20,2 mlrd.teńgege artyp otyr. Jyl sońyna deıin jalpy ónim kólemi 350 mlrd. teńgege jetkizilmek.

Óńir basshysy óz sózinde aımaqtyń aýyl sharýashylyq salasyn joǵary deńgeıde damytý úshin kelesi besjyldyqta jańa saıasatqa kóshýdi usyndy. − Eń aldymen óńirdegi sýarmaly jerlerdiń jaǵdaıyn jaqsartyp, jańadan sýarmaly jerlerdi aınalymǵa qosý, ekinshiden fermerlerge tómen paıyzben beriletin nesıelerdiń kólemi arttyrý. Sonymen qatar, oblys kóleminde mashına-traktorlyq stansıalar (MTS) ashý qajettigin, fermerlerge ǵylymı-konsýltasıalyq qyzmet kórsetetin ortalyqtar qurý. Jáne ár aýdannyń aýyl sharýashylyǵyndaǵy baǵyttary aıqyndalyp, 2020 jylǵa deıingi naqty ındıkatorlar bekitilmek, − dedi B.Atamqulov.

Búgingi tańda tamshylatyp sýarý texnologıasyn engizý 43 myń gektarǵa jetip, bul respýblıkalyq kórsetkishtiń 72 paıyzyn qurady. Al jylyjaılardyń jalpy aýdany 1019,2 ga jetip, respýblıkalyq kórsetkishtiń 87 paıyzyn qurap otyr. Osy jylyjaılar esebinen búgingi kúnge 150 myń tonna kókónis ónimi óndirildi. Al jemis-kókónis saqtaý qoımalarynyń jalpy syıymdylyǵy 220 myń tonna bolsa, bul elimizdegi qoımalardyń 5/1 bóligin qurap otyr.

Sonymen qatar, oblysta iri qara maldyń sany 859 myńǵa, qoı men eshkiler 4 mln 111 myńǵa, jylqy 224 myń, túıe 23,4 myń bolsa, qus basy 2 mln 460 myń bolyp otyr. Júıeli jumystyń arqasynda jyl basynan beri 143,1 myń tonna et óndirilip, ótken jyldyń osy kezeńimen salystyrǵanda 5 paıyzǵa artty. Al sút ónimi 554,3 myń tn, jumyrtqa 224,4 mln dana óndirildi. Osy aýyl sharýashylyǵy baǵytynda aımaqta jyl basynan beri 3397 joba iske asyryldy.

Merekede úzdik aýyl sharýashylyǵy eńbekkerleri men aýdan, qalalardaǵy kásipkerler jáne BAQ ókilderi jalpy 63 sertıfıkat pen 15 «Alǵys hat» tabystaldy. Sondaı-aq, QR Aýyl sharýashylyǵy mınıstrliginiń tós belgisimen Maqtaral, Saryaǵash aýdandarynyń sharýa qojalyqtary nagradttaldy.

OQO ákiminiń baspasóz qyzmeti