Shymkenttegi «Kórme» ortalyǵynda «AgriTek-2016» V halyqaralyq mamandandyrylǵan aýyl sharýashylyǵy kórmesi ótti. Ońtústik Qazaqstan oblysy negizinen agrarly aımaq bolǵandyqtan mundaı kórmelerdiń ótkizilýi óte mańyzdy. Sharaǵa oblys ákimi Janseıit Túımebaev arnaıy qatysyp, lentasyn qıdy. Óńir basshysy kórmege ákelingen tuqym baqtarynyń jańa suryptarymen tanysyp, oblys jaǵdaıynda egýge bolatyndyǵyna tańdaý jasady. Birlesip jumys jasaýǵa shaqyrdy.

Kórmege sheteldik kompanıa­­lar da óz ónimderin usyndy. Olar aýyl sha­rýashylyǵy tehnıkalary men jabdyqtary, qosymsha bólshekter, sýarý jáne tyńaıtqysh tehnologıalary, tuqym suryptary, egistikti, maqtalyqty túrli zıankes­terden qorǵaıtyn dári-dármek, ty­ńaıt­qysh, veterınarlyq tehnologıa jáne jylyjaı óndirisine qajetti jabdyqtardy tanys­tyrdy. Oblys ákimi kórmeni ara­laý kezinde otandyq taýar óndi­rý­shilerdiń óz ónimin syrtqy na­ryq­qa shyǵarý tetikterin oılas­tyryp, básekege qabiletti bolý máseleleri jaıynda oıyn bólisti.

Osynda sheteldik tehnologıalarmen qatar óz ǵalymdarymyzdyń da ǵylymı izdenisteriniń kýási bol­dyq. M.Áýezov atyndaǵy Ońtústik Qazaqstan memlekettik ýnıversıtetiniń oqytýshysy, dosent Nurlybaı Manabaev bas­taǵan ǵalymdar trak­tor­ǵa súı­retpe qurylǵyny tanys­tyr­dy. Sha­rýalar úshin qolaıly qon­dyr­ǵynyń jumysymen tanysqan oblys ákimi Janseıit Túımebaev muny ındýs­trıalyq aımaqta jasaýǵa múmkindik bar ekendigin aıtty. Búginde tek Shymkenttiń ózin­de úsh iri ındýstrıalyq aımaq ta­bysty jumys jasap jatyr.

Jalpy, «AgriTek-2016» kórmesi halyqaralyq naryqtaǵy jańa tehnologıalardy usynýymen aýyl sharýashylyǵy eńbekkerlerine jaqsy paıdasyn tıgizip júr.

Baqtıar TAIJAN,

«Egemen Qazaqstan»