Esep berýge qalyptasqan eldiń erteńi jarqyn. Osy qaǵıdany kózdeıtin "Ashyq ákimdik" jobasy aıasynda qazirgi tańda óńirdegi aýdan, qalalar 10 aıdy qorytyndylap jatyr. Máselen jaqynda qambasyn astyqqa toltyrǵan Qazyǵurttyń sharýalary egistik jaıy men ónim kólemi jaıly halyq aldynda esep berdi. Dıqandardyń aıtýynsha aýdanda aýyl sharýashylyǵy salasy boıynsha atqarylǵan jumystar orasan. Aýa raıynyń jaýyn-shashyndy bolýy arqasynda mol astyqqa qol jetkizgen. Bıdaıdyń ortasha túsimi gektarynan 27 sentner bolsa, keı jerlerde 42 – júzdikten alynǵan. Jetistikti baǵamdaý úshin aýdan ortalyǵynda jármeńke uıymdastyryldy. Mol túsim men ózimizde óndirilgen taýar naryqqa arzandatylǵan baǵamen halyqqa jol tartty. Al, qorytyndy jıyn mádenıet úıinde ótti. Munda jetken jetistikter jaıynda baıandama jasalyp, ónegeli jumystar úlgi etildi.
"Ústimizdegi jyldyń ótken 9 aıdyń qorytyndysymen aýyl sharýashylyǵy jalpy ónim kólemi 22 437,1 mln. teńgeni qurap, ótken jylmen salystyrǵanda 6170,0 mln. teńgege artqan. Egis kólemi ótken jyldan 2290 gektarǵa artyp, 83908 gektardy qurady.Sýarmaly13500 gektar jerdiń 100 paıyzy ıgerilýde. Aǵymdaǵy jyly dándik júgeriden 2061,2 tonna, kókónisten 10397 tonna, baqshadan 2550 tonna, kartoptan 5189 tonna, masaqty daqyldardan 113251 tonna ónim jınalǵvn. Jylyjaı mólsheri 1 jylda 7 gektarǵa artyp, 88 gektarǵa jetti. Aýdan oblys aýmaǵynda astyq ósirýden 1-oryn, maqsary ósirýden 2-shi, al, «Aýyl sharýashylyǵyna qosqan úlesi úshin» nomınasıasy boıynsha 3-oryndy ıelendi",- aýdannyń ákimi Tólegen Telǵaraev. Óz salasynyń maıtalmandary alǵysqattarmen marapattaldy. Arnaıy syılyqtarǵa ıe boldy.
Pikir qaldyrý