Qazyǵurt aýdanynda jumys isteıtin shaǵyn jáne orta kásipkerlik sýbektileriniń sany 6878-ge jetip, sol salada jumys isteıtinder sany 10787-ni qurady. Bul týraly OQO aımaqtyq komýnıkasıalar qyzmetinde ótken brıfıńte aýdan ákimi Tólegen Telǵaraev málimdedi.
 
Onyń aıtýynsha, búginde kásipkerlikti damytý baǵytynda júıeli jumystar júrgizilýde. Aýdanda 2009 jyldan beri bul sala boıynsha 9,8 mlrd. teńge kóleminde nesıe berilgen.
– Údemeli ındýstrıaldy-ınnovasıalyq damý baǵdarlamasy sheńberinde jalpy quny 1600,5 mıllıon teńgelik 4 joba iske asyryldy. Sonymen qatar bıyl jalpy quny 722,7 mıllıon teńgelik 2 joba ındýstrıalandyrý kartasyna engizildi. Aýdanǵa 13963,3 mıllıon teńgeniń ınvestısıasy tartylyp, 1991 jylmen salystyrǵanda 481,5 esege artty. Ónerkásip óniminiń kólemi 4431,7 mıllıon teńgege jetip, 25 jylda 45,8 esege kóbeıdi. Jalpy óńirlik ónim 74,2 mıllıard teńgeni qurady. Iaǵnı, 1991 jylmen salystyrǵanda 30,6 ese ósim bar. Aýdan búdjeti 16218,9 mıllıon teńgege jetip, 115 esege artty. Bıyl 1617 jańa jumys orny ashyldy. Jumyssyzdyq deńgeıin tómendetý – nazarymyzda, – degen aýdan basshysy 25 jylda barlyq salada ósim bar ekenin naqty kórsetkishtermen dáleldeýge tyrysty.
Búginde Qazyǵurt aýdanyndaǵy turǵyndar sany – 109200 adam. Táýelsizdik alǵan 25 jyl ishinde bul kórsetkish 26100-ge kóbeıgen. Al, qazyǵurttyqtardyń negizgi tabys kózi aýyl sharýashylyǵy ekeni daýsyz. Osy salada atqarylǵan jumystar nátıjesinde bıyl egis kólemi 83908 gektarǵa jetken. Dıqandardyń eńbegi aqtalyp, dándik júgeriden 2061,2 tonna, kókónisten 10397 tonna, baqshadan 2550 tonna, kartoptan 5189 tonna, masaqty daqyldardan  113251 tonna ónim jınalǵan. Jalpy, aýyl sharýashylyǵy salasy boıynsha túsken tabys 22437,1 mln. teńgeni qurap otyr.
Aýdanda mal basy artyp, «Sybaǵa», «Altyn asyq», «Qulan» jáne taǵy basqa baǵdarlamalar boıynsha naqty jumystar atqarylǵan. Nátıjesinde jyl basynan beri 13015 tonna et, 43448,7 tonna sút óndirilgen. Jeti júzden astam usaq sharýa qojalyqtaryn biriktiretin 6 óndiristik kooperatıv jáne 2 MTS qurylǵan.
Aýdan ákimi qurylys, bilim berý, densaýlyq saqtaý, sport, mádenıet jáne ınfraqurylym salalary boıynsha da kórsetkishterdi sóıletti. Aldaǵy ýaqytta aýdan ınfraqurylymyn damytý, aýyzsýmen qamtý, gazdandyrý jáne týrızmdi túletý baǵyttarynda tıisti sharalar qolǵa alynatynyn jetkizdi.+
Ǵabıt SAPARBEKOV.