Qazaqstan Respýblıkasy Aýyl sharýashylyǵy mınıstrligi agroónerkásiptik keshendegi memlekettik ınspeksıa komıtetiniń Ońtústik Qazaqstan oblystyq aýmaqtyq ınspeksıasy QR Bas prokýratýrasynyń «Tıimdi shaǵymdar qoǵamyna» jobasyn óz tájirıbesinde qoldana bastady.

Atalǵan jobanyń basty maqsaty – azamattarǵa ózderiniń quqyqtaryn jan-jaqty túsindirip berý jáne ótinishterge baılanysty zańnama talaptaryn elge nasıhattaý. Sondaı-aq, ótinish ıelerine konsýltatıvtik kómek kórsetýdi, jeke jáne zańdy tulǵalar ótinishteriniń negizsiz sozbalańǵa salynýyna jol bermeýdi kózdeıdi.

Osy rette, ınspeksıada shaǵymdanýshylardyń quqyqtaryn, ótinish berýdiń tártipterin túsindirý maqsatynda qoǵamdyq qabyldaý quryldy. Onyń jumysyn úılestirýge qoǵam belsendileri jáne eńbek ardagerleri tartyldy. Qoǵamdyq qabyldaýda azamattardyń ótinishteri men ýájderi de qaralady. Al,  onyń qabyldaýyna (87252) 55-87-77 telefon nómiri arqyly habarlasyp, aldyn ala jazylýǵa bolady. Aıta ketý kerek, ınspeksıanyń mekenjaıy: Shymkent qalasy, Qabanbaı batyr dańǵyly, 9 V úıde ornalasqan.

Bizdiń mekeme ınspeksıanyń ósimdikter karantıni jónindegi memlekettik ınspeksıasy, ósimdikterdi qorǵaý jónindegi memlekettik ınspeksıasy, asyl tuqymdy mal sharýashylyǵy jónindegi memlekettik ınspeksıasy, memlekettik astyq ınspeksıasy baǵyttary boıynsha jumys isteıdi. Sondyqtan osy salalarǵa baılanysty qandaı da bir másele týyndaǵan jaǵdaıda aryz-shaǵymmen bizge habarlasýǵa bolady.

Al, eger de ótinishtegi máseleni qaraý basqa memlekettik organnyń quzyretindegi is bolsa, ınspeksıanyń ótinishtermen jumys júrgizýge jaýapty mamany tıisti memlekettik mekemeniń mekenjaıy, tipti jaýapty mamandarynyń telefondaryna deıin kórsetip beredi.

M.KÚREŃBAEV, QR ASHM AÓK MIK OQO aýmaqtyq ınspeksıasynyń memlekettik astyq  ınspeksıasy bóliminiń basshysy