Shardara aýdanyna qarasty Kóksý aýylynda aýyl sharýashylyǵy jaqsy etek jaıyp, keń óris alyp keledi. Belgili maqta maıtalmany, «Qurmet» ordeniniń ıegeri Asan Ádilbekovtiń «Toqaı» sharýashylyǵynda jańalyqtar bıyl kóp boldy. Shıtti maqtamen qatar kánigi dıqan baý ósirýge de bet burypty. Aldyńǵy jyly 4,8 gektar alqapqa jemis kóshetterin otyrǵyzǵan Asekeńniń osynaý ıntensıvti baý-baqshasynda daraqtar tegis túp alyp, jasyl jelekke oranypty. Baýdaǵy tez pisetin alma jáne órik aǵashtarynyń aldy nyshan shyǵaryp úlgergen. Ádilbekovter otbasy keler jyly alǵashqy ónimdi alamyz dep úmit kútip otyr. Barlyq sharýany talapqa saı atqaratyn «Toqaı» sharýa qojalyǵynda sheshilmeı jatqan másele joq.

         «Sybaǵa» baǵdarlamasy arqyly 15 mln. teńge nesıe alyp, mal basyn asyldandyrý isimen aınalysyp jatqan Myrzabek Tájimuratov byltyrǵy jyly soltústik óńirden sútti mol beretin sıyr tuqymyn ákelgen eken. Táýligine 30 lıtrden kem sút bermeıtin osynaý asyl tuqymdy jersindirgen M.Tájimuratov bıyl osyndaı sútti tuqymnyń taǵy da 15 basyn alýǵa qulshynyp otyr. Munan bólek asyl tuqymdy 2 bas aıǵyr alǵan fermer jylqy malyn da asyldandyrýǵa bet burǵan. Sonymen birge 60 basqa arnalǵan kólemi 15h12 metr keletin zamanaýı úlgidegi mal bordaqylaý alańyn iske qosqaly otyrǵan Myrzabek Tájimuratovtyń áreketine de aýdan ákimi sáttilik tiledi.Dál osyndaı shaǵyn mal bordaqylaý alańyn salyp jatqan Batyr Ábildaev esimdi aýyl turǵyny aldaǵy kúzden bastap mal semirtýge kirspekshi eken.

Marjan Qaadylbekqyzy,

Kóksý aýylynyń turǵyny