«Nur Otan» partıasynyń Túrkistan qalalyq fılıalynyń uıymdastyrýymen qalanyń ekonomıkasy men mádenıetiniń damýyna qajyrly eńbek etip, úlesterin qosyp júrgen partıa jáne eńbek ardagerleri, zıaly qaýym ókilderi, iri fermerlik sharýashylyq jetekshileriniń jastar uıymdarynyń ókilderimen kezdesýi bolyp ótti.
Kezdesýdiń negizgi maqsaty - erkin pikir almasý alańyn qalyptastyrý, jastardyń óz kásibin ashýǵa baılanysty baǵyt-baǵdar berý.
Kezdesýde alǵashqy bolyp sóz alǵan «Grand Mıks» fermerlik sharýashylyq jetekshisi Faızýlla Abdýlıev mal sharýashylyǵyn qarqyndy damytýda «Sybaǵa» memlekettik baǵdarlamasy mol úlesin qosqanyn aıtty.
- Osydan eki jyl buryn 29 bas iri qara malym bolǵan. Eńbektenýdiń arqasynda mal basyn kóbeıtip, memlekettiń jeńildetilgen nesıesiniń arqasynda, jańa mal bordaqylaý ornyn ashýǵa qol jetkizdim. Qazirgi tańda 320 bas iri qara mal bordaqylaýǵa qol jetkizip otyrmyn, - dep kásipker.
Sondaı-aq, qojalyq jetekshisisi jastarǵa eńbek etý arqyly jetistikke jetýge bolatynyn túsindirdi.
- Elbasy et eksportyn eseleı túsý kerektigin únemi aıtyp keledi. Nursultan Nazarbaevtyń tapsyrmasyna sáıkes 2016 jylǵa deıin jylyna 60 myń tonna et syrt memleketterge jiberilýi tıis. Túrkistandyq sharýalar osy oraıda mal bordaqylaý isin myqtap qolǵa ala bastaǵan. «Sybaǵa» baǵdarlamasy boıynsha 5381 iri qara mal, 1723 İri qara analyǵy, 92 buqa satyp alyndy. «Qulan» baǵdarlamasy boıynsha 165 bas jylqy analyǵy 10 aıǵyr satyp alyndy. Et ónimderi 8223,7 tn. 101,7%-ǵa, ósti, - deıdi óz sózinde qala ákiminiń orynbasary Dáýren Táńirbergenov.
Túrkistan qalalyq ardagerler keńesiniń tóraǵasy, partıa ardageri Jarylqasyn Áziretbergenulynyń aıtýynsha, jeke kásibin bastaǵysy keletin adamnyń ishki senimi myqty bolýy kerek.
- Qazaqstandaı memlekette turyp, kásipkerlikpen aınalyspaý, óz bıznesińdi jolǵa qoımaý, shynynda da, sanaǵa syımaıtyn selqostyq degen bolar edim. Qazaqstandaǵy bıznesti qoldaý baǵdarlamalary men jastarǵa jasalǵan jeńildikterdi tıimdi paıdalana bilý kerek, - dep sózin túıindedi aqsaqal.
Kezdesý sońynda «Jas kásipkerler mektebi» jobasyna qatysyp, bilim alǵysy keletin jastar oqýǵa shaqyryldy.
nurotan.kz
