life.ru saıty -da "Jańa Zelandıalyq qyzdy Qazaqstanǵa kirgizbeı qoıdy. Sebebi, ol oıdan shyǵarylǵan elden keldi dep sheshken", - atty maqala jaryq kórgen. Sheteldik jáne elimizdiń basqa da saıttary bolǵan oqıǵa jaıly keńinen aqparat taratqan. Biraq, biz osy saıtta berilgen aqparatty qazaq tiline aýdaryp usynýdy jón kórdik.

Shekara kúzetshileri saıahatshy qyzdy Jańa Zelandıa Avstralıa eliniń bir bóligi dep sendirýge tyrysqan jáne odan atalǵan eldi kartadan kórsetýdi talap etken.

Saıahatshy Hloı Fılıpps-Harrıs shekara kúzetshilerine Jańa Zelandıa eli eshqandaı da Avstralıa eliniń bóligi emes ekenin dáleldeımin dep bir táýlikten asa ýaqytyn Almaty áýejaıynda ótkizgen dep life.ru saıty jazady.

Fıllıps-Harrıs Qazaqstan eline shyǵarda óziniń elindegi elshilikpen keńesken. Oǵan elge kirýge baılanysty eshqandaı qıyndyq bolmaıdy dep sendirgen.

—  Men ushaqtan túskende menen kóshi-qon qyzmetkerleri avstralıalyq tólqujatymdy kórsetýdi talap etti. Onsyz meni ótkizbeıtinin aıtty. Maǵan, Jańa Zelandıa Avstralıa eliniń bir bóligi dep aıtty, - deıdi saıahatshy áıel.

Saıahatshy áıel suraǵan tólqujatty kórsete almaǵan soń, oǵan ushaqpen Qytaıǵa jiberetinderin aıtqan. Biraq, áıeldiń joly bolyp ol bolmaı qalǵan. Qytaıǵa jibere almaǵan soń, áıeldi tergeý bólmesine aparǵan. Ol jerde úlken dúnıejúzilik karta bolǵan eken. Quqyq qorǵaýshylar Fıllıps Harrısten qaıdan ushyp kelgenin osy kartadan kórsetýin suraǵan. Biraq, ol memleket kartada kórsetilmegen eken.

—  Olar menen men bul jerde ne isteıin dep júrgenimdi surady. Osy ýaqytta bul daýǵa polısıa qyzmetkerleri men áýejaı ókilderi de tartyldy, - deıdi áıel.

Qyzdyń aıtýynsha ony uzaq ýaqyt suraqtyń astyna alǵan. Sodan keıin, jarty kún kúzetshilerdiń bólmesine jaýyp tastaǵan. Keıin, jaǵdaı ońtaılanyp, Jańa Zelandıanyń azamatshasyn Qazaqstan eline kirgizgen. Týrıs qyz Qazaqstanda jarty jylyn ótkizgen. Bolǵan jáıǵa qaramaı bolashaqta taǵy da kelýge daıyn.

Pikirler tiziminde "Eshkim google-dy ashyp, kózin jetkizýge tyryspaǵan ba?", "Qaıdaǵy google?! Ol jerde qoılar, saıǵaq jáne qymyzdan basqa eshteńe joq","Qazaq shekarashylary men kórgen eń topas shekarashylar. Olardyń bári oqymaǵan. Oǵan tań qalmaımyn", "Bári ondaı emes shyǵar", "Qymyzdy alkogóldi ishimdik bolmasa da jumys ýaqytynda eshkim ishpeıdi. Biraq, tekseris kezinde gradýsynyń kesirinen úlken aıyppul salynady", "Zelandıalyqtar da Qazaqstan degen el baryn bilmeıdi" dep oı-pikirlerin bildirgen oqyrmandarda bar.