Atyn jarıalamaǵan reseılik bir dáriger ruslekar.info saıtynyń tilshisine bergen suhbatynda sábıdiń kindigin týa sala kesýge múlde bolmaıtynyn aıtady. Onyń paıymdaýynsha, sábıdiń kindigi týǵan soń bir saǵattan keıin ǵana kesilýi tıis, deıdi Alash aınasynyń tilshisi Qaldar Kómekbaev

«Óıtkeni, sábı týylǵannan keıin bir saǵattaı kindik arqyly tynys alýy qajet. Sol ýaqyt aralyǵynda sábı murynmen dem alýǵa beıimdelip, ókpesiniń jumysy qalyptasady. Kindikti týa sala keskende ókpe alqynady. Kindikti kesý - ony kıslorodtan aıyrý degen sóz. Iaǵnı týa sala kindikti keskende sábı tunshyǵady. Adamǵa aýa jetpegende qandaı jaǵdaıda bolatyny, aıtpasa da, túsinikti. Ondaı kezde sábı kúshpen tez-tez tynys alýǵa májbúr bolady. Muryn arqyly tynys alýǵa beıimdelip úlgermegen ókpe de, alqynyp jumys isteıdi. Bul sábı densaýlyǵyna keri áser etedi. Sonan soń sábıdiń «serigindegi» qan kindik arqyly balaǵa ótýi tıis. Ol proses bir saǵatqa jýyq júredi. Al týa sala sábıdiń kindigi kesilgende balaǵa qajetti qan balanyń «seriginde» qalyp qoıady. Al sábıdiń «serigindegi» qan balanyń tabıǵı ımýnıteti úshin asa qajet. Demek, týa sala kindigin kesý - sábıdiń ımýnıtetin tómendetedi. Sondyqtan balanyń kindigin týǵan soń bir saǵattan keıin kesý kerek. Al búgingi tańda sábıler arasynda aýrýdyń kóp bolý sebebiniń biri osynda jatyr» deıdi belgisiz dáriger.

Belgisiz dárigerdiń aıtýynsha, týa sala kindik kesý - medısınadaǵy bıznesti damytý úshin tıimdi tásildiń biri. Óıtkeni ımýnıteti tómen bala aýrýshań keledi. Al aýyrǵan balaǵa dári-dármek qajet. Naýqas qansha kóp bolsa, dári saýdasy sonsha jaqsy damıdy. «Búgingi kúnde dárigerler bilip-bilmeı, osylaı bızneske qolǵabys jasap otyr» deıdi belgisiz maman.

Jańa týǵan sábıdiń kindigi men «serigi» bıznes kózi

Belgisiz dárigerdiń aıtýynsha, jańa týǵan sábıdiń kindigi men «serigin» asa qymbat medısınalyq jáne kosmetologıalyq ónim óndirýde paıdalanatyn kórinedi. Mamannyń aıtýynsha, bul medısınalyq jáne kosmetologıalyq óndiris úshin tegin shıkizat, ıaǵnı paıdanyń kózi. «Sondyqtan medısınalyq bıznestiń basynda turǵandar sábıdiń kindigin týa sala kesýge tapsyrys berip otyr» deıdi qupıa maman.

Reseılik mamannyń aıtýyna qaraǵanda, bul jaıdan qatardaǵy akýsher-genıkolg dirigerler habarsyz. «Óıtkeni olardy solaı oqytyp otyr. Olar jańa týǵan sábıdiń kindigi men «serigi» qaıda ketip jatqanynan beıhabar» deıdi belgisiz dáriger.

Bizdiń dárigerler ne deıdi?

Osy máselege qatysty jaýap alý maqsatynda birneshe dárigerge habarlastyq. Alaıda bizdiń mamandar bul máselege qatysty pikir bildire almaıtyndaryn aıtty. Dese de, atyn jarıalamaýdy ótingen bir dárigerimiz bul saýalǵa qatysty pikirin bildirdi. Onyń aıtýyna qaraǵanda, eshbir memlekette balanyń kindigin bir saǵattan keıin kespeıdi. Týa sala sábıdiń kindigin kesý álemdik medısınada qalyptasqan úrdis. «Aýyrmaıtyn bala bolmaıdy. Al, qazirgi kezde balalardyń jıi naýqasqa shaldyǵýyn balanyń kindigin týa sala kesýmen baılanystyrý durys emes. Bul kóp jaǵdaıda analardyń júktilik kezinde durys kútinbeýimen, bala kútimine salǵyrt qaraýmen baılanysty. Sonan soń, «balanyń serigin medısınalyq jáne kosmetologıalyq ónim óndirýde paıdalanady» degen tipti qısynsyz» deıdi maman.

Dese de, «reseılik dárigerdiń mundaı másele kóterýine ne sebep? Nelikten bizdiń dáriger bul máselege qatysty jaýap bergileri kelmeıdi?» degen saýal kókeıde qaldy. Eger osy salanyń mamandary osy máselege qatysty naqty pikir jazsa, quba-qup bolar edi.