Monýment Tóle bı dańǵyly men Ál-Farabı kósheleriniń qıylysynda ornalasqan. Monýmenttiń saltanatty ashylýyna oblys basshysy Kárim Kókirekbaev, shyǵarmashylyq tulǵalar, ardagerler men jastar jınaldy. Atalǵan shara barysynda oblys basshysy monýmentke gúl shoqtaryn qoıyp, kópshilikti aldaǵy kele jatqan Táýelsizdik merekesimen quttyqtady.
«Bul – táýelsizdiktiń nyshany, urpaqtan-urpaqqa, ǵasyrdan-ǵasyrǵa jalǵasatyn nyshan. Monýmenttiń joǵarǵy jaǵynda «Qazaqstan-2050» Strategıasynyń belgisi qoıylǵan. Táýelsizdik – bizdiń jaqsy ómirimizdiń negizi. Ult basshysynyń basshylyǵymen bizdiń el áleýmettik-ekonomıkalyq jáne saıası qıyndyqtardy jeńe bildi, jáne 50 damyǵan eldiń qataryna endi», - dep atap ótti oblys ákimi.
Jańadan ashylyp, Taraz qalasyna erekshe kórik berip turǵan bul monýmenttiń bıiktigi 14 metr, joǵary jaǵynda «Qazaqstan-2050» strategıasynyń belgisi ornalastyrylǵan. Al eń tóbesinde qazaqtyń qasıetti shańyraǵy belgilengen.
