QR Táýelsizdigi men  «Qazaq kóshiniń» 25 jyl tolýyna oraı «Qamshy» aqparattyq portaly men  "Qazaqstan" telearnasy birlesip ótkizgen «Kósh jáne Kóshbasshy» merekelik konsertin saǵat 18.05 Ulttyq arnada kóre alasyzdar.

Konsert 18 qarashada Stýdentter saraıynda ótti. Oǵan Qazaqstan Respýblıkasynyń Aqparat jáne komýnıkasıa mınıstri Dáýren Abaev  arnaıy qonaq retinde qatysyp, sóz sóıledi.  Maıra Muhamedqyzy, Ramazan Stamǵazıev syndy qazaqtyń kúmis kómeı ánshileri óner kórsetip, kórermendi tánti etken bolatyn.

«Kósh jáne Kóshbasshy» merekelik konsertin kógildir jáshikten kóre almaǵan aǵaıyn jaqyn ýaqytta «Qamshy» portalynan tamashalaı alady.

«Qamshy» súıikti oqyrmandaryn tuǵyrly táýelsizdik merekesimen quttyqtaı otyryp, otbasylaryńyzǵa baqyt, shańyraqtaryńyzǵa shattyq tileıdi.