Eki apta buryn, Indıada kún energıasynan elektr alatyn álem boıynsha teńdessiz stansıa salynyp jatqany týraly habarlanǵan bolatyn.  Pakistan Today taratqan aqparatqa saı, Pákistanda odan da qýatty kún elektr stansıasy boı kóteredi.  

Jańa alpaýyt kún energıa stansıasy Holıstan (Cholıstan, Rohı) shólinde boı kóteredi. Bul aýmaq Bahavalpýrdan 30 km qashyqtyqta ornalasqan. Stansıa 16 sharshy shaqyrym aýmaqty alatyn bolady. Joba ulttyq jańartylatyn energıa kózderin damytý baǵdarlamasy aıasynda qolǵa alynǵan.  

Klımat isteri jónindegi mınıstr Zahıd Hamıdiń aıtýynsha, Pákistan planeta atmosferasyna zarar keltirmeıdi. Álemdegi parnıkti gazdyń  1% úlesin ǵana osy el shyǵarady. Soǵan qaramastan Pákistan klımattyń ózgerýine keri yqpal etken elderdiń biri bolyp sanalady. Sondyqtan da olar tek Pákistannyń ǵana emes jalpy planetanyń ekologıalyq qaýipsizdigin oılap otyr.

Aıta ketsek, parnıkti gaz effektisi Jerdiń ortasha temperatýrasynyń, teńiz deńgeıiniń kóterilýi, muzdyqtardyń erýi, sý tasqyny, qurǵaqshylyq jáne basqa da tabıǵı katalızator kesirinen bolyp otyr.

Eske salsaq, elektr energıasyn alýdyń birneshe joly bar. Olar Atom elektr stansıasy – eń qýattysy hám eń qaýiptisi. Sý elektr stansıasy, bul úshin arqyrap aǵyp jatqan arnasy mol ózender kerek. Ekologıalyq resýrsti qajet etedi. Kómir nemese gaz sıaqty otyndy elektr stansıasy, ekologıaǵa zardaby mol. Jel men kúnnen elektr alatyn stansıalar eń qaýipsiz ári shyǵynsyz bolyp tabylady.