Belgili ánshi Tóreǵalı Tóreáli jelide tarap ketken jaǵymsyz sýretine qatysty pikir bildirdi. "Keıde óz bilmestigimizden qastandyq jasaıtyn kezderimiz bolady. Sútten aq, sýdan tazamyn dep aıtpaımyn. Keseden basqaǵa ernim tımedı dep te aıta almaımyn", - dedi ol sýrettegi jigittiń ózi ekenin uǵyndyryp.  Bul týraly shyndyq NTK arnasynyń "Revú" baǵdarlamasynda belgili boldy.

Onyń aıtýynsha, jelige tarap ketken bul sýret budan 6-7 jyl buryn túsirilgen.

Degenmen, ol óziniń osyndaı sátterin jelige júktegen adamdarǵa da ókpeli ekenin jasyrmady.

"Aqsap qalǵan, súrinip, shalynyp qalǵan jerlerdi tabalaýǵa yńǵaıly ǵoı. Ómirdiń ózi sabaq, ony qaıtalamaýǵa tyrysamyz", - dedi ol.

Esterińizge salsaq, jelide Tóreǵalı Tóreáliniń mas kúıindegi sýreti tarap ketip, jeli qoldanýshylaryn dúrliktirgen bolatyn.