Prezıdenttik saılaýda jeńip shyqqan Donald Tramptyń úkimetke kelýi, amerıkandyqtardyń eldegi ózgeris ornaıdy degen úmiti aqtalmaıdy degen oımen Tramp kelispeıtinin jetkizdi. Ol týraly Mobıl qalasyndaǵy (Alabama shtaty) «USA Thank You Tour» aıasynda sóz sóılegende málimdedi.

AQSH birinshi hanymy Mıshel Obama Opra Ýınfrıge bergen suhbatynda, Tramptyń prezıdent bolyp saılanýy óziniń jubaıy Barak Obamanyń el basqarǵanda jetken jetistikteri men amerıkandyqtardyń  «ózgeristerge degen úmitine» núkte qoıady dep aıtqan bolatyn.

«Bizde kerisinshe úlken úmit pen múkindik bar. Bul memlekettiń bolashaǵy zor. Osy keremet ýaqyt aralyǵynda ómir súrý netken ǵajap deseńizdershi. Senarı áli jazylyp bitken joq» dedi Donald Tramp.

Barak Obamamen onyń jubaıy  Tramppen Aq úıde kezdeskende olar ózderin óte sypaıy ustaǵan. «Sondyqtan, eldiń birinshi hanymy oıyn durys jetkize almaǵan shyǵar»  dep Tramp sózin aıaqtady.