Memlekettik búdjet boıynsha asyra oryndaý somasy 396 mlrd teńgeni qurady, respýblıkalyq – 255 mlrd teńge, jergilikti búdjet boıynsha – 141 mlrd teńge.

«11 aıdyń ishinde ótken jyldyń uqsas kezeńimen salystyrǵanda 31,8 paıyzǵa memlekettik búdjet kiristeri boıynsha ósim baıqalady. Respýblıka boıynsha – 41,1 paıyz jáne jergilikti búdjet boıynsha – 13,6 paıyz ósim», – dedi B. Sultanov. Bul týraly Premer-mınıstr saıty habarlady.

Jalpy memlekettik búdjet kiristeri 107,3 paıyzǵa, respýblıkalyq 106,6 paıyzǵa, jergilikti 109,1 paıyzǵa oryndaldy. Spıkerdiń aıtýynsha, jyl qorytyndysy boıynsha shamamen 250-300 mlrd teńgege salyq túsiminiń aıtarlyqtaı asyra oryndalýy kútilýde.  «Bul Ulttyq qordan kepildendirilgen transfertti tartpaýǵa múmkindik beredi», –  dedi Qarjy mınıstri.

Memlekettik búdjet shyǵyndary shamamen 9 trln teńgege jetip, 20 paıyzǵa artty. Igerý qarqyny ótken jylmen salystyrǵanda jaqsyraq. Memlekettik búdjet shyǵyny 97 paıyzǵa, respýblıkalyq 98,2 paıyzǵa jáne jergilikti 96,6 paıyzǵa oryndaldy.  Jyl qorytyndysy boıynsha respýblıkalyq búdjet shyǵynyn oryndaý 98,6 paıyz shamasynda kútilýde.