«Qazaq radıosy», «Shalqar», «Astana», «Classic» radıolary bir ortalyqqa biriktirildi. Bul týraly «Qazaqstan» RTRK basshysy Kemelbek Oıshybaev áleýmettik jelide habarlady.

«Qurmetti dostar!

Elimizdegi radıony damytý maksatynda "Qazaqstan" TRK qarasty radıolarda ózgeris bar. Qazaq radıosy, "Shalqar", "Astana", "Classic" radıolary "Respýblıkalyq radıo" JSHS-ne birikti, 1 qantardan jańa seriktestik jumysyn bastaıdy. Mınıstr Daýren Abaevtyń kelisimimen ujymnyń basshylyǵyna BAQ salasynda 20 jyldaı qyzmet etken, belgili jýrnalıs Óteǵalıev Dosymbekti tanystyrdym. Radıolardyń basshysyna birqatar tapsyrma júktedim, basty maqsat Qazaq radıosymen Shalqar radıosynyń reıtıńterin birinshi oryndarǵa shyǵaryp, tyńdarmandardyń sanyń kóbeıtý. Sáttilik tileımin!», - dep jazdy ol ózgerister týrasynda.

Dosymbek Óteǵalıev Ál-Farabı atyndaǵy Qazaq ulttyq ýnıversıtetiniń jýrnalısıka fakúltetin (1999) jýrnalıs mamandyǵy boıynsha bitirgen jáne osy ýnıversıtettiń osy mamandyq boıynsha magıstratýrasyn (2001) támamdaǵan.

1997-2001 jyldary - «Shahar» TRK teleradıohabarlarynyń júrgizýshisi.

2000 jyldan - «Iýjnaıa stolısa» TRK jýrnalısi jańalyqtar júrgizýshisi.

2001-2004 jyldary - «Habar» agenttiginiń jańalyqtar júrgizýshisi jáne prodúseri.

2005 jyldan - «31 arna» TRK «Informbúro» baǵdarlamasynyń júrgizýshisi, shyǵarýshy redaktory.

2008 jyldan - «Almaty» TRK Aqparattyq-taldaý baǵdarlamalary dıreksıasynyń dırektory, 2009 jyldan –atalǵan telearnanyń prodúseri.

2010 jyldyń qańtar aıynan beri - «ZAŃ» Medıa-korporasıasy» JSHS prezıdenti qatarly qyzmetterdi atqarǵan.