Almaty qalasyndaǵy Naýryzbaı aýdanynda ornalasqan №157 mektepte ánshi Tóreǵalı Tóreáli atyndaǵy májilis zaly ashyldy. Bul jóninde ánshiniń dırektory Farıza Spandıarova óziniń ınstagram paraqshasynda qýanyshpen habarlady.

«Búgin bizde taǵy bir qýanyshty jańalyq. Naýryzbaı aýdanyndaǵy, nómiri 157-shi mekteptiń ishinen Uly Dala balasy - Tóreǵalı Tóreáli atyndaǵy “Májilis zaly“ ashyldy. Endi mekteptiń barlyq is-sharalary osynda ótetin bolady» dep jazdy Farıza hanym.

Onyń aıtýynsha, mektep basshylyǵy tarapynan Tóreǵalıǵa usynys jasalǵan. Ánshi ony qýana qabyl alyp,  15 jeltoqsanda ashylý saltanatyna qatysty. Án aıtyp, №157 mekteptiń oqýshylarmen qaýyshty.

Ánshi buǵan deıin de atalmysh mektep oqýshylarymen 1 qyrkúıekte kezdesken edi.

Endi mekteptegi túrli is-sharalar men merekelik konsertter «Uly dala balasy Tóreǵalı Tóreáliniń atyndaǵy májilis zalynda» ótedi eken. Atalmysh zaldy ashý ıdeıasyn oqýshylar mektep basshylyǵyna usynǵan. Olar balalardyń usynysyn qabyl alyp, Almaty qalasynyń ákimdigimen kelise otyryp «Uly dala balasy Tóreǵalı Tóreáli atyndaǵy májilis zalyn» ashty.