Qadirli oqyrman! Búgingi tańda aıyqpas dertke shaldyǵyp, ómir men ólim arasynda arpalysyp júrgen qanshama adamdar bar. Sondaı jandardyń biri – týmasynan bir búıregimen dúnıege kelgen Sara Jedelhan atty qandasymyz.

«Sara Jedelhan 1990 jyldyń týmasy, búgingi tańda 26 jasqa aıaq tiregen qaryndasym jastyq shaqtyń qyzyǵyn kórip, bilim qýyp, jalyndaǵan ómirdiń qyzyqtaryna toımaı júrýdiń ornyna tósekke tańylyp, tek syrttan ǵana deni saý jandarǵa qyzyǵýshylyqpen baqylap jatyr», - dep óz muńyn shaqty Saranyń aǵasy Múlik Jedelhan.

Osy ýaqytqa deıin 3 ret aýrýhanaǵa jatty, Qytaıǵa baryp ta emdeldi, biraq esh oń nátıjesin bermedi. Qazirgi tańda qaryndasymnyń búıregi 15-20%-ǵa ǵana istep tur. Dárigerlerdiń aıtýynsha, qaryndasyma donor taýyp, búıregin aýystyrý qajet, tek sol kezde ǵana onyń ómir súrýine múmkindigi bar. Al qazir Sara tek dári-dármektermen, dári tamyzǵyshtarmen ál saqtaýda. Alaıda olardyń da kúnnen kúnge áser etýi tómendep bara jatyr. Aı saıyn alynatyn bul dári-dármekteriniń ózine bir búırektiń qunyndaı qarajat ketip jatyr. Saranyń emine 50 000 AQSH dollary qajet. Qaryndasymnyń mundaı haline beıjaı qaramaıtyn azamattardan qarjylaı kómektesýlerin suraımyz. Jalyndaǵan jas shaǵynda óz qatarlastarymen birge el qatarly ómir súrse eken deımin.

«Balamnyń tabanyna qadalǵan tiken, meniń mańdaıyma qadalsa eken» deıtin halyqpyz ǵoı. Qaryndasynyń múshkil haline halyqtan kómek surap kelgen aǵasynyń bir ǵana tilegi – Sara qaryndasy aıaqtan turyp ketýi. Al bul nársege qomaqty qarajattyń kerek ekeni belgili. Sol sebepten de bul jaǵdaıǵa beıjaı qaramaı barynsha qoldaryńyzdan kelgen kómekti aıamaýlaryńyzdy suraımyz.