Jer daýy týǵanda «Jer komısıasyna» qatysqan, qazaq tili men ulttyq máselelerge ún qatyp júrgen Muhtar Taıjan men Geroıhan Qystaýbaevtyń arasy taǵy ýshyqty. Ony sotqa bergen Muhtar Taıjan bylaı dep jazdy:
«Jurt surap jatqannan keıin ashyq málimet berip otyrmyn. Iá, men buryn aıtqandaı Geroıhan Qystaýbaevty maǵan jala japqany úshin sotqa berdim advokat arqyly. Men 8 dıhandardyń 500 tonna (35 mln tg) jep qoıdym dep jazdy, tek qana FB-ta emes, arnaıy maqala jazdy. Bundaı aıyptaý men úshin óte aýyr. Odan basqa Genprokýrorǵa meniń ústime aryz jazdy, DVD-da jarty jyl maǵan qatysty qylmys is ashyq turdy. Birneshe ret Qapshaǵaıǵa baryp túsinikteme berip júrdim bir jap-jas tergeýshiniń aldynda.
Qystaýbaev jazǵan faktiler jalǵan bolǵandyqtan DVD qylmys isti bir emes eki ret jaýp júrdi. Biraq qystaýbaevtar qoımaı genprokýrorǵa aryz jazdy. Sol aram tirligi úshin men bılik sekildi medal bere almaımyn, biraq sotqa berdim, endi sottyń aldynda jala japqany úshin jaýap bersin. Aıyppul sol baıaǵy 3 mln tg qoıdym, jeńip shyqsam, Sheńgeldi aýylynyń mektebine nemese balabaqshasyna paıdaly bir zattardy satyp alamyn.
Jáne Batyrǵalı Ámrıevty sotqa berdim qaryzy úshin - 125 tonna pıaz. Bul qaryzdy Batash moıyndap otyrsa da bermeı otyr, jyl saıyn ótirik syltaý aıtyp júrip. Bul dıhan qaryzyn bermes úshin Geroıhanǵa jaz boıy kómektesip júrdi. Bul sottyń birinshi ınstansıasy maǵan tıimdi emes aıaqtaldy, sebebi men bir qatelikti jasadym. Biraq men ekinshi ınstansıaǵa berem, qateligimdi túzetip.
Ár qazaq, tipti ózindik ultshyl retinde sanaıtyn, óz isterine, sózderine ıe bolyp jaýapkershilikten qashpaý kerek.»
Al, Geroıhan Qystaýbaev birneshe kún buryn ózin Muhtar Taıjannyń sotqa bergenin jazyp, aryzdyń sýretterin jarıalaǵan edi. Qystaýbaev jazbasynda «aryzyńdy qaıtaryp al, kóregendiligiń bolsyn» degen mazmun bar:
«STOP Taıjan!
Muhtar, áleýmettik jeli, gazet-jýrnaldar arqyly sen ózińdi myqty uyltshyl azamat retinde elge pıarıt ettiń. Sonda myqty uyltshyl óz ultynyń qarapaıym dıhandary - aýyl adamdaryn: "Mańdaı ter, adal eńbegimizdi jep ketti" dep, zar eńiretip qoıa ma? Ara aǵaıyn bolyp, mámlege, Bıler alqasyna shaqyrǵan jýrnalısti áleýmettik jelide "jerden alyp, jerge sala ma"? Myqty ultshyl sol dıhandardyń, jýrnalısiń ústinen sotqa aryz jaza ma? Aryzqoı bola ma?
Sen nege Batyrǵalı Ámirıevtiń, meniń ústimnen sotqa aryz jazdyń? Myqty bolsań, jerdi satqan, shet eldikterge jalǵa bergen sheneýnikterdi nege sotqa tartpadyń? Olardan qorqasyń ba? Mysaly, kezinde Jasaral Kýanyshalın men Serik Saparǵalı Prezıdent - Nursultan Nazarbaevtyń ózin sotqa berdi! Mine el osylardy myqty ultshyldar, batyrlar dep tanıdy. Qurmetteıdi! Al sen ómir boıy ketpen kóterip júrgen sharýa-dıhandar men ultynyń muńyn ǵana jazyp júrgen jýrnalısi sottatyp, myqty bolyp kóringiń keledi. Uıalmaısyń ba? Sodan keıin kim seni qurmettemek? Osyǵan aqylyń jetpeı me?
Muhtar, mundaı abyroısyz tirlikke tipti, urylar dep júrgen birde-bir sheneýnik barǵan joq! Sonda, ultshylmyn, qoǵam qaıratkerimin dep júrgen, sen qalaı baryp otyrsyń? Elge, jastarǵa qandaı úlgi kórsetip ketpeksiń? Senen úlgi alǵan erteńgi "ultshyl" jastar bir-birin bitpeıtin sotqa súırep júrmeı me? Bul "ulyq bolsań - kishik bol" degen emes, ulyq bolsań, áliń kelgendi janshy, tapta degeniń emes pe? Bul seniń ata dástúrimizdiń tamyryna balta shapqanyń emes pe?
Sondyqtan, jazǵan aryzdaryńdy keri qaıtaryp al. Dıhandardan keshirim sura. Boldy. Osy bolady bar daýdyń sheshimi men seniń kórgendiligiń», - degen edi.
