Bana esimdi 7 jasar qyz óziniń «Twitter» paraqshasyna qyrkúıek aıynan bastap Aleppodaǵy kúndelikti ómirin jazyp otyrǵan. Aleppodaǵy jarylystar men qıyn jaǵdaılardy sýretteýge anasy kómektesken.

Qyzy men anasy jazbany aǵylshyn tilinde jazdy. Onda Vladımır Pýtın men Bashar Asadtyń bombalaýyn áshkerleıtin jazbalar da bar. Alaıda, reseılikterdiń arasynda ony basqa bireý ádeıi jazyp otyr dep synaǵandar da boldy. Endi biri Aleppoda ǵalamtordyń baryna kúmán keltirdi. «Twitter»-de «Aleppo halqy tamaqqa zárý bolyp otyrǵanda, telefon men jaryqty qaıdan alyp otyr?», «Telefonyn qalaı qýattaıdy?» degen saýaldar kóp qoıylǵan. Máseleniń anyq-qanyǵyn bilý  úshin «Bellingcat» saıtynyń jýrnalıseri zertteý júrgizdi. Bananyń paraqshasynda jarıalanǵan sýretterdiń barlyǵy Shyǵys Aleppodaǵy bir aýdanda túsirilgeni belgili boldy. Al uıaly telefondy úıdiń shatyrynda ornalasqan kúnmen qýattalatyn akýmýlátor arqyly qýattap otyrǵan. Sonymen qatar Aleppoǵa ǵalamtor júrgizilgeni de belgili boldy. Bananyń anasy 3G nemese wifi arqyly   ǵalamtorǵa kirgenin aıtyp berdi. Munyń barlyǵy «Sept à huit» telearnasynda kórsetildi.

Qazir Bana men onyń anasynyń paraqshasyna 300 myńnan asa adam jazylǵan. «Twitter»-degi jazbalarynan keıin, Bana men onyń otbasy qaýipsiz jerge kóshirildi. 

Nebári 7 jasynda Bana jan jarasymen álemmen bólisti. Sonyń arqasynda otbasyn qaýipti aımaqtan shyǵara aldy. Buǵan deıin pákistandyq Malala Iýsýfzaı 14 jasynda óziniń oqý quqyǵy úshin kúresti. Sol úshin talıbandardyń tarapynan jazalandy da. Eshqandaı qarsylyqtarǵa qaramastan mektepke baryp, bilim alǵan Malala Nobel syılyǵyn aldy. Ol Nobel syılyǵynyń tarıhyndaǵy eń jas laýreat atandy. 

                                                                                                                                                                                               Qamshyger: Ásem Álmuhanbet

Difficult afternoon in East #Aleppo pic.twitter.com/OhIxcvZbZj

— Bana Alabed (@AlabedBana) 26 noıabrá 2016 g.