«Óner qyrandarynyń» sońǵy ótkizgen konsertterinde jat aǵymdy ustanýshylardy synaǵany jaıly materıal «Qamshy» portalynda jaryq kórip, 70 myńnan asa oqylyp, aıtarlyqtaı talqyǵa tústi. «Qamshy» tilshisi «Óner qyrandarynyń» dırektory Madıar Serikbaevpen telefon arqyly tildesken bolatyn. «Qamshy» portaly jurt kóńilinen shyqqan qoıylymdy sahnalaǵan teatr jetekshisimen ótkizgen suhbatyn oqyrman nazaryna usynady.
– Qaıyrly kún, Madıar myrza! «Táýelsizdik kúni» 31 arna efırinen kórsetilgen konsertterińizdegi jat aǵymdy ustanýshylarǵa qatysty qoıylym halyqtyń kóńilinen shyǵyp, qoǵamda aıtarlyqtaı dúmpý týǵyzdy. Bundaı qoıylymdy sahanalaýǵa ne yqpal etti?
– Birinshiden, bul – Elbasynyń tikeleı tapsyrmalarynyń biri. Ekstremızmge qarsy, qazaq jastarynyń jat aǵymǵa kirip ketpeýleri úshin aldyn-alý maqsatynda jasalǵan jumys. Ekinshiden, Almaty qalasy ákimdiginiń bastamasymen, qoldaýymen ótken shara boldy.
– Qoıylym kórermenge ne aıtqysy keldi?
– Bizdiń negizgi maqsatymyz – ekstremızmge qarsy, qazaq jastarynyń jat aǵym jeteginde ketip qalmaýlary úshin máseleniń aldyn-alý, adamı qasıetterdi dáriptep, jaqsyǵa shaqyryp, jamandyqtan tyıý edi. Sonymen qatar, qazirgi tańda tek qazaqtyń basyna emes, kúlli adamzatqa tónip turǵan qaýipterdiń biri: jat aǵym jeteginde ketý, ekstremızm qurbany bolý, tolastamaı turǵan terror. Bul jáı ǵana taqyryp emes jáne de biz eshqandaı da din ókili emespiz, eshqandaı da dindi nasıhattap, ony talqyǵa salyp jatqan joqpyz, ózimizdiń ıslam dini, musylmandyǵymyz ne aıtady degen sıaqty saýaldar tóńireginde quralǵan. Qazaqtyń salt-dástúriniń ózi - din, dinniń dińgegine baılanǵan dástúr. Biz sol dinniń kórinisi: ata-anany syılaý, kórshimen jaqsy qarym-qatynasty bolý, aǵaıyn-týǵanmen aralasý, para almaý, ótirik sóılemeý degen sıaqty dástúrimizdi kórsettik. Salafıt, vahhabızm, tákbirshiler degen sıaqtylardyń ara-jigin ajyratyp jatqan joqpyz, tek Otandy tastap, Sırıaǵa ketip qalý, Otanyn súımeý máselesin aıqyndap kórsetýge tyrystyq. Alaıda, tek qana ózimizdiń bilimimizben ǵana, Óner qyrandarynyń ǵana óziniń izdenisimen jasaldy dep aıta almaımyn. Bul – kelisilgen, júıeli túrde jasalǵan dúnıe.
– Osy qoıylymǵa qatysty sizderge jat aǵymdy ustanýshylardyń tarapynan qandaı da bir qysym kórsetilmedi me?
– Árıne, bireýlerge unamaı jatýy múmkin, bireýler musylmandardy osyndaı qylyp kórsettińder dep qarsy pikir aıtýy múmkin, tipti jelilerde aıtylyp ta jatyr ǵoı, al bizdiń ózimizge kelip pálen dep eshkim aıtqan joq. Biraq, biz pálensheni ǵana kórsetemiz dep emes, negizinen halyqtyń jat aǵym jeteginde ketip qalmaý, týra joldan adaspaýdyń aldyn alý maqsatynda qoıylǵan bolatyn. Endi, sóz ıesin tabady deıdi ǵoı, árkim ózin taýyp ta jatqan bolar.
Suhbattasqanyńyzǵa rahmet!
Oqyrmannyń esine sala ketetin bolsaq, bıyl Qazaqstanda eki birdeı lańkestik oqıǵa oryn alyp, saldarynan Qazaqstanda terrordyń sary deńgeıi, Aqtóbe men Almatyda qyzyl deńgeıi jarıalanǵan edi. Bılik resmı túrde atalǵan qylmysty salafıtterdiń jasaǵanyn jarıalaǵan bolatyn.
Qamshyger: Nazerke Labıhan
