Qaırat sharýa qojalyǵynda 300-ge jýyq túıeler bar. Qysy-jazy olardyń shubatyn satady. Al, sońǵy kezderi oısylqara tuqymynyń zári kóp suranysqa ıe boldy dep habarlaıdy stan.kz

Túıe záriniń arqasynda adamdar túrli aýrýlarynan aıyǵyp jatyr.

Bul jaqtaǵy qyzmetkerlerdiń de atqaratyn jumystary ońaı emes, kún saıyn tańǵy saǵat beste turady. Túıelerdi ornynan turǵyzyp árqaısysynyń zárin arnaıy ydysqa quıyp alý - olardyń mindeti. Sala mamandarynyń sózderinshe, ár túıeden bir lıtrge jýyq zár alady eken.

Túıe baǵýshylardyń aıtýynsha,  janýardyń zári qaterli isik,  ót joldarynyń qabynýyna, asqazanǵa shıpasy bar. Sebebi, oısylqara tuqymy kóp sý ishpeı, qunarly shópter men túrli tikenekter jeıdi. Múmkin paıdasy sodan bolar.

Búginde Birikken Arab Ámirlikterinde túıeniń zárimen jýynyp, ony sýsyn retinde paıdalaný úrdiske aınalǵan.

Jelide taraǵan vıdeolardan arabtardyń túıeniń zárin iship, beti-qoldaryn jýyp jatqandaryn kórýge bolady.

Túıe záriniń quramynda barlyq bakterıalar men dertke qarsy em bar ekeni belgili boldy. Jaqynda Arab Biotechnology kompanıasynyń ǵalymy Sabah Djasem túıe zárinen qaterli isikke qarsy dári jasaýǵa bolatynyn anyqtady. Aıtýynsha, túıeniń búırek múshesi qýyqtaǵy suıyqtyqty eki qaıtara ótkizetin bolǵandyqtan onyń nesep jolyna aıtarlyqtaı paıdasy mol.