Nursultan Nazarbaev Irannyń SHYU men EAEO-ǵa múshe bolýyna kómektesýge ýáde berdi. Bul týraly búgin Aqordada Qazaqstan Prezıdenti Nursultan Nazarbaevpen kelissózderden keıingi birlesken málimdede Iran Islam Respýblıkasynyń Prezıdenti Hasan Rýhanı aıtty, dep habarlaıdy inform.kz.
«Biz óńirlik yntymaqtastyq salasynda Shanhaı yntymaqtastyq uıymy men Eýrazıalyq ekonomıkalyq odaqtyń tolyqqandy qatysýshysy bolýǵa daıyn ekendimizdi jarıa ettik. Prezıdent Nursultan Nazarbaev bizge atalǵan eki baǵytta da kómektesýge ýáde berdi. Sonymen qatar biz Kaspıı salasynda birlesken yntymaqtastyqty qoldaımyz jáne Kaspııdiń quqyqtyq mártebesi máselesin óńirdiń úshinshi elderimen yntymaqtastyqta sheshý qajet», - dedi Rýhanı.
Sonymen qatar Qazaqstan Prezıdentimen kelisózder barysynda óńirdiń ózekti máseleleri, onyń ishinde barlyq elge qaýip tóndirip otyrǵan terorızmge qarsy turý salasyndaǵy yntymaqtastyq talqylanǵanyn atap ótti.
«Búginde Irak pen Sırıada oryn alyp otyrǵan jaǵdaı bizdiń barlyǵymyzdy da alańdatady. Bul problemany sheship, atalǵan elderde turaqtylyq pen qaýipsizdikti qaıtarý qajet. Azıa óńiriniń yqpaldy elderi retinde Iran men Qazaqstan ásirese ekonomıka salasyndaǵy birlesken kúsh-jigerin jalǵastyra berýi tıis», - dedi Iran Prezıdenti.
