Kalıfornıanyń mamandary júktilikti belgili bir ýaqytqa toqtatýǵa bolatyn nemese úziliske qoıatyn tásildi oılap tapty. Ázirge ǵalymdar 30 kúnge ǵana toqtatýǵa bolatynyn aıtyp otyr, odan keıin uryq tabıǵı jolmen damı beredi.

Kalıfornıalyq ýnıversıtettiń zertteýshileri kemirgishterdiń embrıonyn tájirıbede synap,  qalyptasý úrdisin baqylaı kele uryqtyń damýyn tolyǵymen ýaqytsha toqtatty. Keıinnen damýyn qaıta jalǵastyrý úrdisin iske qosty. «Úzilisten keıin»  dúnıege kelgen urpaq sap-saý bolyp týylǵan.

Ony máńgilik úziliste ustap turý múmkin emes ekenin alǵa tartady.

Ǵalymdardyń aıtýynsha, mundaı úrdis embrıologıada ǵana emes, qaterli isik pen aǵzanyń qartaıýynda da kómektesedi. Olardyń damýyn ýaqytsha toqtatyp, «úzilis rejımine» qoıady. Bul onkologıalyq aýrýlardy emdeýde jańa joldardy ashýǵa múmkindik beredi. Ǵalymdar: «úzilistiń» ýaqytyn uzartýǵa bolady, tek ol óte kóp mólsherde qorektik zatty qajet etedi. Bul óz kezeginde ananyń densaýlyǵyna keri áserin tıgizedi» dep málimdep otyr.