Qazaqstanda quqyqqorǵaý organdary pedofıldi ustady. «Tımýr aǵa» esimdi pedofıl bir jyl boıy 8 jasar qyzǵa telefon arqyly seksýaldy negizdegi áńgimeler aıtqan dep habarlaıdy newsru.com. Kúdikti 55 jasta. Qazir ol ýaqytsha ustaý ızolátorynda.

8 jasar qyzdyń anasy Elena G, ustalǵan er adam óziniń kórshisi, buryńǵy polısıa qyzmetkeri ekenin aıtty. «Ol ekinshi qabatta turady. Zeınetke shyqqan. Biraq, bir jerde jumys isteıtin kórinedi. Onyń áıeli, úlken balalary bar. Keshe onymen polısıada kezdestim. Ol árıne óz kinásin moıyndamaı otyr» deıdi ol.

Jaqyn ýaqytta fonoskopıalyq saraptama daıyn bolady eken. Desek te, polısıa onsyz da er adamnyń kinásin aıqǵaqtaıtyn dálelder kóp ekenin aıtady.

Ózin «Tımýr aǵa» dep atap ketken pedofıl bir jyldan asa 8 jasar qyzdy qońyraýlarymen mazasyn alǵan. Ol telefon arqyly óziniń jynystyq qarym-qatynastaǵy ómiri týraly egjeı-tegjeıli aıtyp, óziniń erotıkalyq qıalymen bólisken. Anasynyń aıtýynsha onyń bul áreketteri bir jylǵa sozylǵan. Anasynyń jumystan shyǵýyna týra kelgen. Ol balasyn  jalǵyz ózi asyraıdy.

Pedofıl 2015 jyldyń qazan aıynan bastap qyzǵa qońyraý shala bastaǵan. Túnniń ortasynda onyń telefon qońyraýlary qyzdyń uıqysyn buzǵan. Qyz telefondy kótergende er adamnyń daýsy onyń denesin qalaıtynyn aıtyp, telefondy qoıa salady eken.

«Beıtanys er adam uıatsyz sózderdi aıtýdan esh qymsynbaıtyn. Meniń júıkem ábden juqardy. Ol tek túnde ǵana emes, tań erteńde qońyraý shalatyn boldy. Men ony polısıamen de qorqyttym. Alaıda, odan keıin ol jıirkenishti áreketin toqtatpady».

Qaraǵandy oblysy ishki ister departamenti baspasóz qyzmetiniń basshysy Baqytjan Qudıarov qylmysqa qatysty sotqa deıingi tergeý jumystary júrgizilip jatqanyn habarlady. «Tımýr aǵany» ustaý úshin arnaıy jedel tergeý toby quryldy.