Memlekettik bilim granttary ıegerleriniń tizimi 10 tamyzǵa deıin jarıalanady. Bul týraly Bilim granttaryn taǵaıyndaý jónindegi respýblıkalyq konkýrstyq komısıasynyń otyrysynda QR Bilim jáne ǵylym vıse-mınıstri Tahır Balyqbaev málim etti.
2014 jylǵy 2-8 maýsym aralyǵynda ótken Ulttyq biryńǵaı testileýge 87 593 (95,1%) túlek qatysty. Testileý búkil respýblıka boıynsha 155 pýnktte ótkizildi. Eń joǵary 125 baldy tórt túlek ıelendi. 100 baldan joǵary kórsetkishke 13 137 túlek qol jetkizgen.
2014 jylǵy orta bal 76,9-dy quraǵan. Al, eń tómengi 50 baldy 20 236 (23,1 %) bala jınaı almady. Al, keshendi testileý 19-22 shilde aralyǵynda 42 testileý ótkizý pýnktteriniń bazasynda (bazalyq joǵary oqý oryndary), onyń ishinde 3 ulttyq ónerge qatysty JOO jáne 3 Qazaqstan Respýblıkasy İshki ister mınıstrligine qarasty JOO-da ótkizidi.
Jalpy osy jyly ortasha bal 44.9% qurady. 50 bal shekti deńgeıge 56 019 (66,303 %) túlek qol jetkize almady. Keshendi test tapsyrǵandarda aldaǵy kúnderi ózderi qalaǵan mamandyqtaryn tańdaıtyn bolady,. Eskerte keteıik, bilim berý grantyn alý konkýrsyna qatysý úshin kem degende 50 bal jáne Ulttyq JOO-larǵa túsý úshin keminde 70 bal, sonyń ishinde beıindik pán boıynsha 7, al, qalǵan pánder boıynsha keminde 4 bal jınaý qajet. Granttar UBT men AKT sertıfıkattarynyń baldaryna sáıkes konkýrstyq negizde beriledi.
«Jalpy 2014-2015 oqý jylynda joǵary bilimdi mamandardy daıarlaýǵa arnalǵan memlekettik tapsyrysqa 34 115 bilim granty bólindi», – deıdi mınıstrliktiń baspasóz qyzmeti. Mınıstrliktiń málimeti boıynsha, 12 myń oryn tehnıkalyq ǵylym jáne tehnologıalyq mamandyqtarǵa, 5 myńnan astam grant – pedagogıkalyq mamandyqtarǵa, 2650 oryn aýyl sharýashylyq jáne veterınarlyq salalarǵa bólinip otyr.
Memlekettik bilim granttary ıegerleriniń tizimin bekitý jónindegi komısıanyń aqparatyna qaraǵanda bıylǵy oqý jylyna bólingen granttardy bólý kezinde ıgerilmeı qalǵan granttardy jaqyn nemese salalyq mamandyqtarǵa bólý josparlanǵan. Atap aıtqanda, Qyzdar pedagogıkalyq ınstıtýtynyń dene shynyqtyrý mamandyǵy boıynsha bilim granttary, Qostanaı pedagogıkalyq ınstıtýtynyń keıbir bilim granttary basqa mamandyqtarǵa beriletin boldy. Komısıanyń osylaı sheshim shyǵarýyna atalǵan oqý oryndarynda bul mamandyqtarǵa talapkerlerdiń suranys bolmaǵan. Sondyqtan bul granttar suranysy joǵary mamandyqtarǵa bólinip, grantqa úmitkerler úshin jańa múmkindik bermek. Sondaı-aq, syrttaı oqý bólimi men qysqartylǵan oqý bólimindegi suranys bolmaǵan granttar da suranys kóp bolǵan jaqyn mamandyqtarǵa berilmek.
