Halqymyzǵa paıdasy joq zańdar bar,
Sondaı zańmen mazamyzdy almańdar.
Zaman túbi ózgeredi sol kezde,
Elimizdiń qarǵysyna qalmańdar.
Qazaq emes eń aldymen tirkelsin,
Syrttan kelip taltańdaǵan dalbandar.
Al qazaqtyń tirkeletin úıi joq,
Qınap endi bos áýrege salmańdar.
Baspanasyz sol qazaqtyń birimin,
Tirkeletin ýaqytym joq, sharýam bar.
Úı berseńder tirkelemiz, qashpaımyz,
Osy zańdy talqylańdar, taldandar.
Ár qazaqqa úı berilsin degen Zań,
Shyǵarady degen bizde arman bar!
Úkimettiń qarǵysyna qaldym-aý,
Qarǵasańdar "úı alsyn" dep qarǵańdar!
Avtory: Saıat Ábenov
