Adamdardyń kóbi tez daıyn bolatyn kespeni tek taǵam retinde qabyldaıdy. Alaıda Sıngapýrlyq sýretshi ony óner týyndysyna aınaldyrdy.
«Meniń baıaý jasalǵan jumysym, zamanaýı álemniń kóp kúttirtpeıtin ómirlik lázzatqa degen qalaýyn sıpattaıdy» deıdi sıngapýrlyq Sıntıa Sývıto.
Sıntıa kespeden toqyma toqıtyn sýretshi. Ol Sıngapýrdyń óner galereıasyna arnap toqıdy. Taǵamnan jańa óner týyndysyn jasaý prosesi kespeni satyp alýdan bastalady. Odan keıin Sıntıa ony sýda qaınatady. Sýyǵannan keıin onymen jumys isteýge bolady. Sıntıa kespemen óte baıaý jumys isteıdi. Sebebi ol óte názik materıal.
Sıntıa Sývıto 20 santımetr órnekti toqýǵa kúnine 3 saǵatyn jumsaıdy.
"Adamdardyń kóbi ómirde jyldamdyqty jaqsy kóredi. Bul kespeniń daıyndalýyna ǵana emes, ómirlerine de qatysty" deıdi sýretshi.
Sıntıanyń ózi kespe jeýden bas tartqan emes.
"Kóbi meniń kespege degen erekshe qyzyǵýshylyǵym bar ekenin aıtady. Biraq men ony basqa adamdardan artyq jaqsy kórmeımin" deıdi Sıntıa.
